കൊവിഡ് വ്യാപനം: എറണാകുളം- കോട്ടയം ജില്ലാ അതിര്‍ത്തി അടച്ച് കലക്ടറുടെ ഉത്തരവ്

കൊച്ചി: എറണാകുളം- കോട്ടയം അതിര്‍ത്തി അടക്കാന്‍ എറണാകുളം ജില്ലാ കലക്ടര്‍ എസ് സുഹാസ് ഉത്തരവിട്ടു. പ്രത്യേക അനുമതിയില്ലാത്ത ആരെയും അതിര്‍ത്തികടക്കാനോ എറണാകുളത്തേക്ക് പ്രവേശിക്കാനോ അനുവദിക്കില്ല. കോട്ടയത്ത് കൊവിഡ് 19 കേസുകള്‍ വര്‍ധിച്ച സാഹചര്യത്തിലാണ് നടപടി.

കോട്ടയത്ത് ഇന്ന് ആറുകേസുകളാണ് പോസിറ്റീവ് ആയിരിക്കുന്നത്. ഈ പശ്ചാത്തലത്തില്‍ സര്‍ക്കാര്‍ കോട്ടയത്തെ റെഡ്‌സോണായി പ്രഖ്യാപിച്ചിട്ടുണ്ട്. എന്നാല്‍, ഇതിനു മുമ്പേ തന്നെ ജില്ലാ അതിര്‍ത്തി അടച്ച് കലക്ടര്‍ ഉത്തരവ് പുറപ്പെടുവിച്ചിരുന്നു.