കൊവിഡ്: ആലപ്പുഴ ജില്ലയില് 13 അതീവ നിയന്ത്രണ മേഖലകള്; കര്ശന നിയന്ത്രണം
അനുപാതം എട്ടിന് മുകളില് വരുന്ന ജില്ലയിലെ നാല് നഗരസഭകളിലെ 13 വാര്ഡുകളാണ് അതീവനിയന്ത്രണ മേഖലയായി പ്രഖ്യാപിച്ചിട്ടുള്ളത്
ആലപ്പുഴ: പഞ്ചായത്ത്, നഗരസഭ വാര്ഡുകളിലെ കൊവിഡ് കേസുകളുടെ എണ്ണവും ജനസംഖ്യയും തമ്മിലുള്ള അനുപാതം കണക്കാക്കി ഓഗസ്റ്റ് 18 വരെയുള്ള കാലയളവിലെ അതീവ നിയന്ത്രണ മേഖലകള് പ്രഖ്യാപിച്ച് ജില്ലാ കലക്ടര് എ അലക്സാണ്ടര് ഉത്തരവായി. അനുപാതം എട്ടിന് മുകളില് വരുന്ന ജില്ലയിലെ നാല് നഗരസഭകളിലെ 13 വാര്ഡുകളാണ് അതീവനിയന്ത്രണ മേഖലയായി പ്രഖ്യാപിച്ചിട്ടുള്ളത്.
അതീവ നിയന്ത്രണ മേഖല പൂര്ണമായും പോലിസ് നിരീക്ഷണത്തിലായിരിക്കും. ബാരിക്കേഡ് വച്ച് നിയന്ത്രണം ഏര്പ്പെടുത്തും. റോഡുകളിലൂടെയുള്ള ഗതാഗതം നിരോധിക്കും. അവശ്യവസ്തുക്കളുടെ വിതരണത്തിനും അടിയന്തര വൈദ്യസഹായത്തിനുള്ള യാത്രയ്ക്കും നിയന്ത്രണത്തിനു വിധേയമായി ഇളവുകളുണ്ടായിരിക്കും. അവശ്യഭക്ഷ്യ വസ്തുക്കള് വിതരണം ചെയ്യുന്ന സ്ഥാപനങ്ങള്ക്കു മാത്രം രാവിലെ ഏഴു മുതല് ഉച്ചകഴിഞ്ഞ് രണ്ടുവരെയും പൊതുവിതരണ സ്ഥാപനങ്ങള്ക്ക്(പിഡിഎസ്) രാവിലെ എട്ടു മുതല് ഉച്ചകഴിഞ്ഞ് രണ്ടുവരെയും പ്രവര്ത്തിക്കാം.
ഒരേ സമയം അഞ്ചിലധികം പേര് എത്താന് പാടില്ല. മറ്റു സ്ഥാപനങ്ങള് തുറക്കാന് പാടില്ല. നാലില് അധികം ആളുകള് കൂട്ടംകൂടാന് പാടില്ല. സെക്ടറല് മജിസ്ട്രേറ്റ്, പോലിസ്, തദ്ദേശസ്വയംഭരണ വകുപ്പ്, ആരോഗ്യവകുപ്പ് എന്നിവയുടെ നിരീക്ഷണവും നിയന്ത്രണവും മേഖലയില് ശക്തമായിരിക്കും. പ്രദേശവാസികള്ക്ക് പുറത്തുനിന്ന് അവശ്യവസ്തുക്കള് ആവശ്യമായി വരുന്ന പക്ഷം പോലിസ്/വാര്ഡുതല റാപ്പിഡ് റെസ്പോണ്സ് ടീം എന്നിവരുടെ സേവനം തേടാം. ആരാധനാലയങ്ങള് തുറക്കാന് പാടില്ല.
വിവാഹം, മരണാനന്തര ചടങ്ങുകള് എന്നിവയ്ക്ക് കൊവിഡ് മാനദണ്ഡങ്ങള് പാലിച്ച് പരമാവധി 20 പേര്ക്കു മാത്രം പങ്കെടുക്കാം. കൊവിഡ് രോഗനിര്വ്യാപനവുമായി നേരിട്ട് ബന്ധമുള്ള സര്ക്കാര് ഓഫീസുകള് മാത്രം അവശ്യജീവനക്കാരെ വച്ച് പ്രവര്ത്തിക്കാം. പോലിസ്, ഫയര്ഫോഴ്സ്, ട്രഷറി, പെട്രോളിയം, പാചകവാതക സ്ഥാപനങ്ങള് എന്നിവയ്ക്ക് നിയന്ത്രണമാനദണ്ഡങ്ങള് പാലിച്ച് പ്രവര്ത്തിക്കാം. ഉത്തരവ് ലംഘിക്കുന്നവര്ക്കെതിരേ കര്ശന നിയമനടപടി സ്വീകരിക്കും. പ്രദേശത്തെ വാര്ഡുതല ജാഗ്രത സമിതികള് അടിയന്തരമായി കോവിഡ് നിര്വ്യാപന നിരീക്ഷണ നടപടികള് സ്വീകരിക്കണമെന്നും ഉത്തരവില് പറയുന്നു.
അതീവനിയന്ത്രണ മേഖലകള് ചുവടെ
ആലപ്പുഴ നഗരസഭ: വാര്ഡ് 21 ആശ്രമം, വാര്ഡ് 34 ആലിശ്ശേരി, വാര്ഡ് 52 മംഗലം
ചേര്ത്തല നഗരസഭ: വാര്ഡ് 4 മണ്ണുകുഴി , വാര്ഡ് 7 ശാസ്ത, വാര്ഡ് 8 കുരിക്കച്ചിറ, വാര്ഡ് 18 അംബേദ്കര് , വാര്ഡ് 20 വട്ടവെളി, വാര്ഡ് 22 മിനി മാര്ക്കറ്റ്, വാര്ഡ് 25 പള്ളുവവെളി
ചെങ്ങന്നൂര് നഗരസഭ: വാര്ഡ് 27 വലിയപള്ളി
മാവേലിക്കര നഗരസഭ: വാര്ഡ് 2 കുരുവിക്കാട്, വാര്ഡ് 3 കണ്ടിയൂര് എന്നിങ്ങനെയാണ്
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
