മലപ്പുറം ജില്ലയില് 540 പേര്ക്ക് കൂടി കൊവിഡ്; 489 സമ്പര്ക്കരോഗികള്, 906 പേര്ക്ക് രോഗമുക്തി
രോഗബാധയുണ്ടായവരില് ഒരാള് വിദേശത്തുനിന്ന് എത്തിയതും ശേഷിക്കുന്ന 10 പേര് അന്തര്സംസ്ഥാനങ്ങളില്നിന്നെത്തിയവരുമാണ്.
മലപ്പുറം: ജില്ലയില് ഇന്ന് 540 പേര്ക്ക് കൊവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫിസര് ഡോ.കെ സക്കീന അറിയിച്ചു. ഇതില് 489 പേര്ക്കും നേരിട്ടുള്ള സമ്പര്ക്കത്തിലൂടെയാണ് രോഗബാധ. ഉറവിടമറിയാതെ 35 പേര്ക്കും ആരോഗ്യമേഖലയില് പ്രവര്ത്തിക്കുന്ന അഞ്ചുപേര്ക്കും വൈറസ് ബാധ സ്ഥിരീകരിച്ചു.
രോഗബാധയുണ്ടായവരില് ഒരാള് വിദേശത്തുനിന്ന് എത്തിയതും ശേഷിക്കുന്ന 10 പേര് അന്തര്സംസ്ഥാനങ്ങളില്നിന്നെത്തിയവരുമാണ്. 906 പേരാണ് ഇന്ന് വിദഗ്ധചികില്സയ്ക്ക് ശേഷം ജില്ലയില് രോഗമുക്തരായത്. ഇവരുള്പ്പെടെ 49,871 പേരാണ് ജില്ലയിലിതുവരെ കൊവിഡ് വിമുക്തരായി ചികില്സാകേന്ദ്രങ്ങളില്നിന്ന് വീടുകളിലേയ്ക്ക് മടങ്ങിയത്.
നിരീക്ഷണത്തില് 71,115 പേര്
71,115 പേരാണ് ഇപ്പോള് ജില്ലയില് നിരീക്ഷണത്തിലുള്ളത്. 6,593 പേര് വിവിധ ചികില്സാകേന്ദ്രങ്ങളില് നിരീക്ഷണത്തിലുണ്ട്. കൊവിഡ് പ്രത്യേക ചികില്സാകേന്ദ്രങ്ങളായ ആശുപത്രികളില് 624 പേരും വിവിധ കൊവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 311 പേരും 217 പേര് കൊവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. മറ്റുള്ളവര് വീടുകളിലും കൊവിഡ് കെയര് സെന്ററുകളിലുമായി നിരീക്ഷണത്തില് കഴിയുന്നു. ഇതുവരെ 281 പേരാണ് കൊവിഡ് ബാധിതരായി ജില്ലയില് മരണമടഞ്ഞത്.
ആരോഗ്യജാഗ്രതയില് വീഴ്ച പാടില്ല: ജില്ലാ മെഡിക്കല് ഓഫിസര്
മലപ്പുറം ജില്ലയില് രോഗവ്യാപന സാധ്യത സജീവമായി നിലനില്ക്കുമ്പോള് ആരോഗ്യജാഗ്രത പാലിക്കുന്നതില് യാതൊരു വീഴ്ചയുമുണ്ടാവരുതെന്ന് ജില്ലാ മെഡിക്കല് ഓഫിസര് ഡോ. കെ സക്കീന ആവര്ത്തിച്ച് അറിയിച്ചു. രോഗബാധിതരാവുന്നവരുടെ പ്രതിദിന എണ്ണം കുറയുന്നത് അശ്വാസകരമാണ്. അതിനൊപ്പംതന്നെ വൈറസ് വ്യാപനം വര്ധിക്കാനുള്ള സാധ്യത നിലനില്ക്കുകയാണെന്ന് എല്ലാവരും തിരിച്ചറിയണം. നിലവിലെ സാഹചര്യത്തില് പൊതുസമ്പര്ക്കത്തിലേര്പ്പെടുന്നവര് കൂടുതല് ശ്രദ്ധചെലുത്തണം.
നിരീക്ഷണത്തിലുള്ളവര് യാതൊരു കാരണവശാലും പൊതുസമ്പര്ക്കത്തിലേര്പ്പെടാതെ റൂം ക്വാറന്റീനില് കഴിയണമെന്നും ഏതെങ്കിലും വിധത്തിലുള്ള ആരോഗ്യപ്രശ്നങ്ങളുണ്ടായാല് അടുത്തുള്ള ആരോഗ്യകേന്ദ്രം, ജില്ലാതല കണ്ട്രോള് സെല്, ആരോഗ്യപ്രവര്ത്തകര് എന്നിവരുമായി ഫോണില് ബന്ധപ്പെടണമെന്നും ജില്ലാ മെഡിക്കല് ഓഫീസര് അറിയിച്ചു. ആരോഗ്യപ്രശ്നങ്ങളുണ്ടായാല് ഒരുകാരണവശാലും നേരിട്ട് ആശുപത്രികളില് പോകരുത്. ജില്ലാതല കണ്ട്രോള് സെല്ലില് വിളിച്ച് ലഭിക്കുന്ന നിര്ദേശങ്ങള് പൂര്ണമായും പാലിക്കണം. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
