കൊവിഡ് 19: മലപ്പുറം ജില്ലയില് എട്ട് പേര്ക്ക് കൂടി രോഗബാധ സ്ഥിരീകരിച്ചു
ജില്ലയില് കൊവിഡ് സ്ഥിരീകരിച്ചവരുടെ എണ്ണം 69 ആയി. 46 പേര് രോഗബാധിതരായി മഞ്ചേരി ഗവ. മെഡിക്കല് കോളജ് ആശുപത്രിയിലും ഒരാള് കോഴിക്കോട് ഗവ. മെഡിക്കല് കോളജ് ആശുപത്രിയിലും ചികില്സയില് കഴിയുന്നു.
മലപ്പുറം: മലപ്പുറം ജില്ലയില് എട്ട് പേര്ക്ക് കൂടി കൊവിഡ് 19 സ്ഥിരീകരിച്ചു. മുംബൈയില് നിന്നെത്തിയ തെന്നല തറയില് സ്വദേശി 36 കാരന്, ചെന്നൈയില് നിന്നെത്തിയ പൊന്നാനി ഈശ്വരമംഗലം സ്വദേശി 37കാരന്, മാലിദ്വീപില് നിന്നെത്തിയവരായ ഇരിമ്പിളിയം മങ്കേരി സ്വദേശി 36 കാരന്, ചുങ്കത്തറ പൂക്കോട്ടുമണ്ണ സ്വദേശി 46 കാരന്, സിങ്കപ്പൂരില് നിന്നെത്തിയ കൂട്ടിലങ്ങാടി കീരംകുണ്ട് സ്വദേശി 23 കാരന് അബൂദബിയില് നിന്നെത്തിയ വെളിയങ്കോട് ഗ്രാമം സ്വദേശി 35കാരന്, കുവൈത്തില് നിന്നെത്തിയവരായ പാലക്കാട് നല്ലായ സ്വദേശി 39 കാരന്, തിരൂരങ്ങാടി പിപി റോഡ് സ്വദേശി 29കാരന് എന്നിവര്ക്കാണ് മലപ്പുറം ജില്ലയില് രോഗബാധ സ്ഥിരീകരിച്ചത്. കോഴിക്കോട് മെഡിക്കല് കോളജില് ചികില്സയില് കഴിയുന്ന ഡല്ഹിയില് നിന്നെത്തിയ രണ്ടത്താണി പൂവന്ചിന സ്വദേശി 20കാരനും കൊവിഡ് സ്ഥിരീകരിച്ചിട്ടുണ്ടെന്ന് ജില്ലാ കളക്ടറുടെ ചുമതലയുള്ള എഡിഎം എന്എം മെഹറലി അറിയിച്ചു.
തെന്നല തറയില് സ്വദേശി മുബൈയില് നിന്ന് മെയ് 14നാണ് വീട്ടിലെത്തിയത്. രോഗലക്ഷണങ്ങളെ തുടര്ന്ന് ഇയാളെ മെയ് 20ന് മഞ്ചേരി മെഡിക്കല് കോളജില് ആശുപത്രിയില് പ്രവേശിപ്പിച്ചു. ചെന്നൈയില് നിന്ന് മെയ് 14നാണ് പൊന്നാനി ഈശ്വമംഗലം സ്വദേശിയും വീട്ടിലെത്തിയത്. ഇയാളെയും മെയ് 20ന് രോഗലക്ഷണങ്ങളെ തുടര്ന്ന് മഞ്ചേരി മെഡിക്കല് കോളജ് ആശുപത്രിയില് പ്രവേശിപ്പിച്ചു. മാലിദ്വീപില് നിന്ന് കപ്പല് മാര്ഗമാണ് ഇരിമ്പിളിയം മങ്കേരി സ്വദേശിയും ചുങ്കത്തറ പൂക്കോട്ടുമണ്ണ സ്വദേശിയും നാട്ടിലെത്തിയത്. മെയ് 12ന് കൊച്ചിയില് എത്തിയ ശേഷം കൊവിഡ് കെയര് സെന്ററില് നിരീക്ഷണത്തിലായിരുന്നു. മെയ് 20ന് ഇരുവരെയും മഞ്ചേരി മെഡിക്കല് കോളജ് ആശുപത്രിയിലേക്ക് മാറ്റി.
കൂട്ടിലങ്ങാടി കീരംകുണ്ട് സ്വദേശി മെയ് 12ന് സിങ്കപ്പൂരില് നിന്ന് പ്രത്യേക വിമാനത്തില് കൊച്ചിയിലെത്തി. എടപ്പാള് കോവിഡ് കെയര് സെന്ററില് നിരീക്ഷണത്തില് തുടരുന്നതിനിടെ രോഗലക്ഷണങ്ങളെ തുടര്ന്ന് ഇന്ന് മഞ്ചേരി മെഡിക്കല് കോളജ് ആശുപത്രിയിലേക്ക് മാറ്റി. മെയ് ഏഴിനാണ് വെളിയങ്കോട് ഗ്രാമം സ്വദേശി പ്രത്യേക വിമാനത്തില് അബൂദബിയില് നിന്ന് കൊച്ചിയില് എത്തിയത്. കോഴിക്കോട് സര്വകലാശാല കൊവിഡ് കെയര് സെന്ററില് പ്രത്യേക നിരീക്ഷണത്തിലായിരുന്നു. ഇന്നലെ മഞ്ചേരി മെഡിക്കല് കോളജ് ആശുപത്രിയിലേക്ക് മാറ്റി. പാലക്കാട് നെല്ലായ സ്വദേശിയും തിരൂരങ്ങാടി പിപി റോഡ് സ്വദേശിയും കുവൈത്തില് നിന്ന് മെയ് 13നുള്ള പ്രത്യേക വിമാനത്തില് കരിപ്പൂര് വിമാനത്താവളത്തിലെത്തി. ഇരുവരെയും മഞ്ചേരി മെഡിക്കല് കോളജ് ആശുപത്രിയിലെ പരിശോധനകള്ക്ക് ശേഷം കീഴാറ്റൂരിലെ കൊവിഡ് കെയര് സെന്ററിലാക്കി. രോഗലക്ഷണങ്ങളെ തുടര്ന്ന് ഇന്നലെ മഞ്ചേരി മെഡിക്കല് കോളജ് ആശുപത്രിയില് പ്രവേശിപ്പിച്ചു. കോഴിക്കോട് ചികില്സയില് കഴിയുന്ന രണ്ടത്താണി പൂവന്ചിന സ്വദേശി ഡല്ഹിയില് നിന്ന് മെയ് 20ന് പ്രത്യേക തീവണ്ടിയിലാണ് എത്തിയത്. രോഗലക്ഷണങ്ങളെ തുടര്ന്ന് ഇയാളെ മലപ്പുറം ജില്ലയില് പ്രവേശിപ്പിക്കാതെ കോഴിക്കോട് നിരീക്ഷണത്തിലാക്കുകയായിരുന്നു.
ഇതോടെ ജില്ലയില് കൊവിഡ് സ്ഥിരീകരിച്ചവരുടെ എണ്ണം 69 ആയി. 46 പേര് രോഗബാധിതരായി മഞ്ചേരി ഗവ. മെഡിക്കല് കോളജ് ആശുപത്രിയിലും ഒരാള് കോഴിക്കോട് ഗവ. മെഡിക്കല് കോളജ് ആശുപത്രിയിലും ചികില്സയില് കഴിയുന്നു. രോഗം സ്ഥിരീകരിച്ചവരുമായി ഏതെങ്കിലും വിധത്തില് സമ്പര്ക്കമുണ്ടായവര് സ്വന്തം വീടുകളില് പൊതു സമ്പര്ക്കമില്ലാതെ പ്രത്യേക മുറികളില് നിരീക്ഷണത്തില് കഴിയണമെന്ന് ജില്ലാ മെഡിക്കല് ഓഫിസര് ഡോ കെ സക്കീന അറിയിച്ചു. ഈ വിവരം ആരോഗ്യ പ്രവര്ത്തകരെ അറിയിക്കുകയും വേണം. വീടുകളില് നിരീക്ഷണത്തിന് സൗകര്യങ്ങളില്ലാത്തവര്ക്ക് സര്ക്കാര് ഒരുക്കിയ കൊവിഡ് കെയര് സെന്ററുകള് ഉപയോഗപ്പെടുത്താം. ആരോഗ്യ പ്രശ്നങ്ങളുണ്ടായാല് ഒരു കാരണവശാലും നേരിട്ട് ആശുപത്രികളില് പോകരുത്. ജില്ലാതല കണ്ട്രോള് സെല്ലില് വിളിച്ച് ലഭിക്കുന്ന നിര്ദേശങ്ങള് പൂര്ണമായും പാലിക്കണം. ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
