കൊവിഡ്-19 : എറണാകുളത്ത് കടകള് തുറന്നു പ്രവര്ത്തിക്കാന് ഇളവുകള് പ്രഖ്യാപിച്ചു
കൊച്ചി നഗരസഭ പരിധിക്ക് പുറത്തുള്ള മള്ട്ടി ബ്രാന്ഡ്, സിംഗിള് ബ്രാന്ഡ് മാളുകള് ഒഴികെയുള്ളതും നഗരസഭ പരിധിയിലുള്ള സിംഗിള് ബ്രാന്ഡ്, മള്ട്ടി ബ്രാന്ഡ് മാളുകള് ഒഴികെയുള്ളതും 1000 ചതുരശ്ര അടി വിസ്തീര്ണത്തില് താഴെയുള്ളതും എയര് കണ്ടീഷന് ചെയ്യാത്തതും പത്ത് ജീവനക്കാരില് താഴെയുള്ളതുമായ എല്ലാ കടകളും 50 ശതമാനം ജീവനക്കാരുമായി തുറന്നു പ്രവര്ത്തിക്കാം.
കൊച്ചി; എറണാകുളം ജില്ലയില് ലോക്ക് ഡൗണിനെ തുടര്ന്ന് അടച്ചിട്ടിരുന്ന ഷോപ്പ് ആന്ഡ് എസ്റ്റാബ്ലിഷ്മെന്റ് ആക്ട് പ്രകാരം രജിസ്റ്റര് ചെയ്ത വ്യാപാര സ്ഥപനങ്ങള് പ്രവര്ത്തിക്കുന്നതിന് സര്ക്കാര് ഉത്തരവ് പ്രകാരമുള്ള ഇളവുകള് ബാധകമായിരിക്കുമെന്ന് ജില്ല കലക്ടര് എസ് സുഹാസ് അറിയിച്ചു. കൊച്ചി നഗരസഭ പരിധിക്ക് പുറത്തുള്ള മള്ട്ടി ബ്രാന്ഡ്, സിംഗിള് ബ്രാന്ഡ് മാളുകള് ഒഴികെയുള്ളതും നഗരസഭ പരിധിയിലുള്ള സിംഗിള് ബ്രാന്ഡ്, മള്ട്ടി ബ്രാന്ഡ് മാളുകള് ഒഴികെയുള്ളതും 1000 ചതുരശ്ര അടി വിസ്തീര്ണത്തില് താഴെയുള്ളതും എയര് കണ്ടീഷന് ചെയ്യാത്തതും പത്ത് ജീവനക്കാരില് താഴെയുള്ളതുമായ എല്ലാ കടകളും 50 ശതമാനം ജീവനക്കാരുമായി തുറന്നു പ്രവര്ത്തിക്കാം. ഓരോ സ്ഥാപനങ്ങളിലും ജീവനക്കാരും ഉപഭോക്താക്കളും സാമൂഹിക അകലം പാലിക്കുകയും മാസ്കുകള് ധരിക്കുകയും ഇടവിട്ടുള്ള സമയങ്ങളില് സാനിറ്റൈസറോ സോപ്പോ ഉപയോഗിച്ച് കൈകള് വൃത്തിയാക്കുകയും ചെയ്യണം. ഇതിനുള്ള ക്രമീകരണങ്ങള് സ്ഥാപന ഉടമ ഏര്പ്പെടുത്തണം. സര്ക്കാര് നിര്ദേശിച്ച എല്ലാ സുരക്ഷ മാനദണ്ഡങ്ങളും പാലിക്കണം. ജ്വല്ലറികളും ബാര്ബര് ഷോപ്പുകളും തുറക്കുന്നതിന് നിരോധനമുണ്ടെന്നും ജില്ലാ കലക്ടര് വ്യക്തമാക്കി
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
