കൊവിഡ് 19: കോഴിക്കോട് നിരീക്ഷണകാലയളവ് പൂര്ത്തിയാക്കിയത് 21,822 പേര്
ഇന്ന് പുതുതായി വന്ന 13 പേര് ഉള്പ്പെടെ ആകെ 50 പേരാണ് ആശുപത്രിയില് നിരീക്ഷണത്തിലുള്ളത്. 21 പേരെ ഡിസ്ചാര്ജ് ചെയ്തു.
കോഴിക്കോട്: കൊവിഡുമായി ബന്ധപ്പെട്ട് കോഴിക്കോട് ജില്ലയില് ഇന്ന് 157 പേര്കൂടി വീടുകളില് നിരീക്ഷണം പൂര്ത്തിയാക്കിയതായി ജില്ലാ മെഡിക്കല് ഓഫിസര് ഡോ. വി ജയശ്രീ അറിയിച്ചു. ഇതോടെ നിരീക്ഷണകാലയളവ് പൂര്ത്തിയാക്കിയവരുടെ ആകെ എണ്ണം 21,822 ആയി. 1084 പേര് ഇപ്പോള് നിരീക്ഷണത്തിലുണ്ട്. ഇന്ന് പുതുതായി വന്ന 13 പേര് ഉള്പ്പെടെ ആകെ 50 പേരാണ് ആശുപത്രിയില് നിരീക്ഷണത്തിലുള്ളത്. 21 പേരെ ഡിസ്ചാര്ജ് ചെയ്തു.
ജില്ലയില് ഇന്നും പുതിയ പോസിറ്റീവ് കേസുകളില്ല. ഇതിനകം റിപോര്ട്ട് ചെയ്ത 24 കേസുകളില് 13 പേര് രോഗമുക്തരായതിനാല് 11 പേരാണ് പോസിറ്റീവായി ചികില്സയില് തുടരുന്നത്. രോഗം സ്ഥിരീകരിച്ച് മെഡിക്കല് കോളജില് ചികില്സയിലുണ്ടായിരുന്ന ഇതരജില്ലക്കാര് എല്ലാവരും ഡിസ്ചാര്ജായി. ഇന്ന് 43 സ്രവസാംപിള് പരിശോധനയ്ക്ക് അയച്ചിട്ടുണ്ട്. ആകെ 855 സ്രവ സാംപിളുകള് പരിശോധനയ്ക്ക് അയച്ചതില് 811 എണ്ണത്തിന്റെ ഫലം ലഭിച്ചു. ഇതില് 781 എണ്ണം നെഗറ്റീവാണ്.
44 പേരുടെ ഫലം കൂടി ലഭിക്കാനുണ്ട്. മുഖ്യമന്ത്രി പിണറായി വിജയന് ഇന്ന് വീഡിയോ കോണ്ഫറന്സിലൂടെ നടത്തിയ കൊവിഡ് അവലോകനയോഗത്തില് ജില്ലാ കലക്ടര്, ജില്ലാ മെഡിക്കല് ഓഫിസര്, ജില്ലാ പോലിസ് മേധാവി എന്നിവര് പങ്കെടുത്തു. മാനസിക സംഘര്ഷം കുറയ്ക്കുന്നതിനായി മെന്റല് ഹെല്ത്ത് ഹെല്പ്പ് ലൈനിലൂടെ 17 പേര്ക്ക് ഇന്ന് കൗണ്സലിങ് നല്കി. 244 പേര്ക്ക് മാനസിക സംഘര്ഷം ലഘൂകരിക്കുന്നതിന്റെ ഭാഗമായി ഫോണിലൂടെയും സേവനം നല്കി. 3111 സന്നദ്ധസേനാ പ്രവര്ത്തകര് 8,448 വീടുകള് സന്ദര്ശിച്ച് ബോധവല്ക്കരണം നടത്തി.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
