സിഎംപി 10ാം പാര്ട്ടി കോണ്ഗ്രസ് ജനു. 27 മുതല് 29 വരെ കൊച്ചിയില്
27ന് വൈകീട്ട് നാലിന് റാലിയോടെയാണ് കോണ്ഗ്രസിന് തുടക്കമാകുക. രാജേന്ദ്ര മൈതാനത്തിന് സമീപമുള്ള ഗാന്ധി സ്ക്വയറില് നിന്നും ആരംഭിച്ച് മറൈന് ഡ്രൈവിലെ റോസ ലക്സംബര്ഗ് നഗറില് എത്തിച്ചേരുന്ന റാലിയെത്തുടര്ന്ന് നടക്കുന്ന പൊതുസമ്മേളനം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും.
കൊച്ചി: കമ്മ്യൂണിസ്റ്റ് മാര്ക്സിസ്റ്റ് പാര്ട്ടി (സിഎംപി) 10ാം പാര്ട്ടി കോണ്ഗ്രസ് ജനുവരി 27 മുതല് 29 വരെ കൊച്ചിയില് നടക്കുമെന്ന് സിഎംപി ജനറല് സെക്രട്ടറി സി പി ജോണ് വാര്ത്താ സമ്മേളനത്തില് അറിയിച്ചു. 27ന് വൈകീട്ട് നാലിന് റാലിയോടെയാണ് കോണ്ഗ്രസിന് തുടക്കമാകുക. രാജേന്ദ്ര മൈതാനത്തിന് സമീപമുള്ള ഗാന്ധി സ്ക്വയറില് നിന്നും ആരംഭിച്ച് മറൈന് ഡ്രൈവിലെ റോസ ലക്സംബര്ഗ് നഗറില് എത്തിച്ചേരുന്ന റാലിയെത്തുടര്ന്ന് നടക്കുന്ന പൊതുസമ്മേളനം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും.യുഡിഎഫ് കണ്വീനര് ബെന്നി ബഹനാന് മുഖ്യപ്രഭാഷണം നടത്തും.
28ന് രാവിലെ 9.30ന് എറണാകുളം ടൗണ് ഹാളി നടക്കുന്ന പ്രതിനിധി സമ്മേളനം സി പി ജോണ് ഉദ്ഘാടനം ചെയ്യും. രാഷ്ട്രീയ പ്രമേയം സി പി ജോണും പ്രവര്ത്തന റിപ്പോര്ട്ട് സംസ്ഥാന അസിസ്റ്റന്റ് സെക്രട്ടറി സി എ അജീറും അവതരിപ്പിക്കും. നേതാക്കളായ സി.എന്. വിജയകൃഷ്ണന്, എം.പി. സാജു, പി.ആര്.എന്. നമ്പീശന്, കൃഷ്ണന് കോട്ടുമല, വി.കെ. രവീന്ദ്രന് എന്നിവര് രാഷ്ട്രീയസംഘടനാ പ്രവര്ത്തനങ്ങള് സംബന്ധിച്ച മാര്ഗരേഖകള് അവതരിപ്പിക്കും. 28ന് വൈകീട്ട് 3ന് മതം, രാഷ്ട്രീയം, വിശ്വാസം എന്ന വിഷയത്തില് നടക്കുന്ന സിമ്പോസിയം കെപിസിസി അധ്യക്ഷന് മുല്ലപ്പള്ളി രാമചന്ദ്രന് ഉദ്ഘാടനം ചെയ്യും. സി.എന്. വിജയകൃഷ്ണന് അധ്യക്ഷത വഹിക്കുന്ന ചടങ്ങില് മഹാരാഷ്ട്ര മുന് ഗവര്ണര് കെ. ശങ്കരനാരായണന് മുഖ്യാഥിതിയായിരിക്കും.
29ന് രാവിലെ വിവിധ രാഷ്ട്രീയ രേഖകള് സംബന്ധിച്ച ചര്ച്ചയും അതിനുള്ള മറുപടിയുമുണ്ടാകും. തുടര്ന്ന് പുതിയ ജനറല് സെക്രട്ടറിയെ തിരഞ്ഞെടുക്കുന്നതോടെ കോണ്ഗ്രസ് നടപടികള് സമാപിക്കും. വൈകീട്ട് റോസ ലക്സംബര്ഗിന്റെ ജീവിതം ആസ്പദമാക്കിയുള്ള മോഹിനിയാട്ടം അരങ്ങേറും.സിഎംപി സംസ്ഥാന അസിസ്റ്റന്റ് സെക്രട്ടറി സി എ അജീര്, പാര്ട്ടി കോണ്ഗ്രസ് സ്വാഗതസംഘം ചെയര്മാന് അഡ്വ. ബി എസ് സ്വാതികുമാര്, കണ്വീനര് പി രാജേഷ്, കെ കെ ചന്ദ്രന്, സുനില് സി കുര്യന്, കെ ടി ഇതിഹാസ് എന്നിവരും വാര്ത്താസമ്മേളനത്തില് പങ്കെടുത്തു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
