പൗരത്വഭേദഗതി നിയമത്തിനെതിരായ പ്രക്ഷോഭം കത്തുന്നു; കേരളത്തിലേക്കുള്ള ട്രെയിനുകള് റദ്ദാക്കി
ഇന്ന് വൈകീട്ട് 4.55ന് തിരുവനന്തപുരത്തുനിന്ന് ഷാലിമാറിലേക്ക് പുറപ്പെട്ട ഷാലിമാര് എക്സ്പ്രസ് രാത്രി 9.20ന് എറണാകുളം ജങ്ഷനില് യാത്ര അവസാനിപ്പിച്ചു. ഇതിലെ യാത്രക്കാര്ക്കുവേണ്ടി ഈ ട്രെയിന് തിരുവനന്തപുരത്തേക്ക് സര്വീസ് നടത്തും.
തിരുവനന്തപുരം: പൗരത്വഭേദഗതി നിയമത്തിനെതിരേ പ്രക്ഷോഭം പടരുന്ന പ്രദേശങ്ങളില്നിന്ന് കേരളത്തിലേക്കുള്ള ട്രെയിനുകള്റെയില്വേ റദ്ദാക്കി. ബംഗാളിലെ ഹൗറയില്നിന്ന് ഇന്ന് എറണാകുളത്തേക്ക് പുറപ്പെടേണ്ടിയിരുന്ന ഹൗറ എറണാകുളം അന്ത്യോദയ എക്സ്പ്രസ് റദ്ദാക്കി. 17ന് എറണാകുളം ജങ്ഷനില്നിന്ന് ഹൗറയിലേക്ക് പുറപ്പെടേണ്ടിയിരുന്ന എറണാകുളം ഹൗറ അന്ത്യോദയ എക്സ്പ്രക്സ്സും റദ്ദാക്കിയിട്ടുണ്ട്. തിരുവനന്തപുരത്തുനിന്ന് ഹൗറയിലേക്കുള്ള ഹൗറ എക്സ്പ്രസ് എറണാകുളം വരെയാക്കി വെട്ടിച്ചുരുക്കി.
ഇന്ന് വൈകീട്ട് 4.55ന് തിരുവനന്തപുരത്തുനിന്ന് ഷാലിമാറിലേക്ക് പുറപ്പെട്ട ഷാലിമാര് എക്സ്പ്രസ് രാത്രി 9.20ന് എറണാകുളം ജങ്ഷനില് യാത്ര അവസാനിപ്പിച്ചു. ഇതിലെ യാത്രക്കാര്ക്കുവേണ്ടി ഈ ട്രെയിന് തിരുവനന്തപുരത്തേക്ക് സര്വീസ് നടത്തും. 12ന് അസമിലെ സില്ച്ചാറില്നിന്ന് തിരുവനന്തപുരത്തേക്ക് പുറപ്പെടേണ്ടിയിരുന്ന സില്ച്ചാര് തിരുവനന്തപുരം എക്സ്പ്രസ്സും റദ്ദാക്കിയതായി റെയില്വേ അറിയിച്ചു. വടക്കുകിഴക്കന് മേഖലയിലെ സന്ക്രാല്, നാല്പൂര്, ബന്ക്ര നലാബാജ് സെക്ഷനുകളിലാണ് പ്രക്ഷോഭം ആളിക്കത്തിയിരിക്കുന്നത്. പശ്ചിമബംഗാളിലെ മുര്ഷിദാബാദിലെ ലാല്ഗൊല റെയില്വേ സ്റ്റേഷനില് ഇന്ന് വൈകീട്ടുണ്ടായ പ്രക്ഷോഭത്തിനിടെ നിര്ത്തിയിട്ടിരുന്ന അഞ്ച് ട്രെയിനുകള് സമരക്കാര് തീയിട്ടു. ഇതില് ആളില്ലാതിരുന്നതിനാല് വന്ദുരന്തമാണൊഴിവായത്.
കൊല്ക്കത്ത നഗരത്തിലെ ഹൗറയ്ക്കടുത്ത് നൂറുകണക്കിന് പേര് പ്രതിഷേധവുമായി തെരുവിലിറങ്ങി. ഇതിനിടെ ഒരുസംഘമാളുകള് സംക്റെയില് റെയില്വേ സ്റ്റേഷന്റെ ഒരുഭാഗത്തിന് തീയിട്ടു. മുര്ഷിദാബാദ് ജില്ലയിലെ പൊരാദംഗ, ജാംഗിപൂര്, ഫരാക്ക എന്നീ റെയില്വേ സ്റ്റേഷനുകളിലും ഹൗറ ജില്ലയിലെ ബാവ്രിയ, നല്പൂര് സ്റ്റേഷനുകളിലും പ്രതിഷേധക്കാര് റെയില്വേ ട്രാക്കുകള് തടസ്സപ്പെടുത്തിയതിനാല് ട്രെയിന് ഗതാഗതം താളംതെറ്റിയിരിക്കുകയാണ്.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT