ശ്രീധന്യക്കു കാംപസ് ഫ്രണ്ടിന്റെ അനുമോദനം

പൊഴുതന: സിവില്‍ സര്‍വീസ് പരീക്ഷയില്‍ ഉന്നത വിജയം കൈവരിച്ച് വയനാടിന്റേയും പൂര്‍വോപരി ആദിവാസി സമൂഹത്തിന്റേയും അഭിമാനമായി മാറിയ ശ്രീധന്യയെ കാംപസ് ഫ്രണ്ട് വയനാട് ജില്ലാ കമ്മിറ്റി ഉപഹാരം നല്‍കി അനുമോദിച്ചു. ജില്ലാ പ്രസിഡന്റ് അഫ്‌സല്‍ തരുവണ, വൈസ് പ്രസിഡന്റ് ഫെമിന പിലാക്കാവ്, ജോയിന്‍ സെക്രട്ടറി സലാഹുദ്ധീന്‍ പുലിക്കാട്, ഷഹീദ, തരുവണ ഗേള്‍സ് ഏരിയ പ്രസിഡന്റ് ആയിഷ പുലിക്കാട് തുടങ്ങിയവര്‍ അനുമോദന ചടങ്ങില്‍ പങ്കെടുത്തു. ശ്രീധന്യയുടെ നേട്ടം വളര്‍ന്നു വരുന്ന തലമുറക്ക് മാതൃക ആണെന്നും ഇനിയും ഒരുപാട് നേട്ടങ്ങള്‍ കൊയ്യാന്‍ സാധിക്കട്ടെ എന്നും ജില്ലാ കമ്മിറ്റി ആശംസിച്ചു.