പ്രചാരണ ബോര്‍ഡ് കലക്്ടര്‍ ചവിട്ടിപ്പൊളിച്ചെന്ന്; പ്രതിഷേധവുമായി എസ്എഫ്‌ഐ

പെരിന്തല്‍മണ്ണ: മലപ്പുറം മണ്ഡലത്തിലെ ഇടതു സ്ഥാനാര്‍ഥി വി പി സാനുവിന്റെ തിരഞ്ഞെടുപ്പ് പ്രചാരണാര്‍ഥം എസ്എഫ്‌ഐ പെരിന്തല്‍മണ്ണയില്‍ സ്ഥാപിച്ച ബോര്‍ഡ് പെരിന്തല്‍മണ്ണ സബ് കലക്്ടര്‍ അനുപം മിശ്ര ചവിട്ടിത്തകര്‍ത്തെന്ന് ആരോപണം. സംഭവത്തില്‍ പ്രതിഷേധിച്ച് എസ്എഫ്‌ഐ പെരിന്തല്‍മണ്ണ ഏരിയാ കമ്മിറ്റി സബ് കലക്്ടറുടെ കാര്യാലയത്തിലേക്ക് മാര്‍ച്ച് നടത്തി. സിവില്‍ സ്‌റ്റേഷന്‍ പ്രവേശന കവാടത്തില്‍ മാര്‍ച്ച് പോലിസ് തടഞ്ഞു. തുടര്‍ന്ന് പ്രതിഷേധക്കാര്‍ സബ് കലക്്ടര്‍ക്കെതിരേ മുദ്രാവാക്യം മുഴക്കി. ധര്‍ണ എസ്എഫ്‌ഐ മുന്‍ ജില്ലാ നേതാവ് യു അജയന്‍ ഉദ്ഘാടനം ചെയ്തു. ജിഷ്ണു അധ്യക്ഷത വഹിച്ചു. സെക്രട്ടറി അരുണ്‍, ജില്ലാ സെക്രട്ടേറിയറ്റംഗം ഹരിമോന്‍, ജില്ലാ കമ്മിറ്റിയംഗം അജീബ് റഹ്മാന്‍ സംസാരിച്ചു.