16 ഇനം കാര്ഷിക വിളകള്ക്ക് അടിസ്ഥാന വില നവംബര് ഒന്നു മുതല്
മരച്ചീനി, ഏത്തക്കായ, കൈതച്ചക്ക, കുമ്പളം, വെള്ളരി, പാവല്, പടവലം, വള്ളിപ്പയര്, തക്കാളി, വെണ്ട, കാബേജ്, കാരറ്റ്, ഉരുളക്കിഴങ്ങ്, ബീന്സ്, ബീറ്റ്റൂട്ട്, വെളുത്തുള്ളി എന്നീ 16 ഇനങ്ങള്ക്കാണ് അടിസ്ഥാന വില ഉറപ്പാക്കുന്നത്.
തിരുവനന്തപുരം: കര്ഷകര്ക്ക് പിന്തുണ നല്കി കാര്ഷിക മേഖലയില് അഭിവൃദ്ധിയുണ്ടാക്കാനുള്ള തീരുമാനത്തിന്റെ ഭാഗമായി 16 ഇനം കാര്ഷിക വിളകള്ക്ക് അടിസ്ഥാന വില നിര്ണയിക്കാന് മന്ത്രിസഭായോഗം തീരുമാനിച്ചു. നവംബര് ഒന്നിന് ഈ പദ്ധതി നിലവില് വരും.
മരച്ചീനി, ഏത്തക്കായ, കൈതച്ചക്ക, കുമ്പളം, വെള്ളരി, പാവല്, പടവലം, വള്ളിപ്പയര്, തക്കാളി, വെണ്ട, കാബേജ്, കാരറ്റ്, ഉരുളക്കിഴങ്ങ്, ബീന്സ്, ബീറ്റ്റൂട്ട്, വെളുത്തുള്ളി എന്നീ 16 ഇനങ്ങള്ക്കാണ് അടിസ്ഥാന വില ഉറപ്പാക്കുന്നത്. ഉൽപ്പാദനച്ചെലവും ഉൽപാദനക്ഷമതയും കണക്കിലെടുത്താണ് അടിസ്ഥാന വില തീരുമാനിക്കുക. വിപണിവില ഇതിലും കുറയുമ്പോള് അടിസ്ഥാന വില കര്ഷകന് ലഭ്യമാക്കുന്നതാണ് പദ്ധതി. ഇതിലൂടെ കര്ഷകര്ക്ക് വിലസ്ഥിരതയും നല്ല വരുമാനവും ഉറപ്പാക്കാന് കഴിയും. വിപണിവിലയുടെ ഏറ്റക്കുറച്ചിലുകളില് നിന്ന് കര്ഷകരെ സംരക്ഷിക്കാനും ഇത് സഹായിക്കും. അതിനാല് അടിസ്ഥാനവില നിശ്ചയിച്ചിട്ടുള്ള വിളകള് കൃഷി ചെയ്യാന് കര്ഷകര്ക്ക് താല്പര്യമുണ്ടാകും. സംസ്ഥാനത്ത് പച്ചക്കറി ഉല്പാദനം ഗണ്യമായി വര്ധിക്കാന് ഇത് ഇടയാക്കുമെന്ന് സര്ക്കാര് പ്രതീക്ഷിക്കുന്നു.
തദ്ദേശസ്വയംഭരണ സ്ഥാപനങ്ങളുമായും സഹകരണ വകുപ്പുമായും ചേര്ന്നാണ് കൃഷി വകുപ്പ് ഈ പദ്ധതി നടപ്പാക്കുക. ലിസ്റ്റ് ചെയ്തിട്ടുള്ള വിളകള് കര്ഷകരില് നിന്ന് വി.എഫ്.പി.സി.കെ, ഹോര്ട്ടികോര്പ്പ്, മൊത്തവ്യാപാര വിപണികള് എന്നിവ വഴി സംഭരിക്കും. ഒരു പഞ്ചായത്തില് ഒരു വിപണിയെങ്കിലും തുറക്കാനാണ് ഉദ്ദേശിക്കുന്നത്. ആദ്യഘട്ടത്തില് 250 വിപണികളില് കര്ഷകരില് നിന്ന് നേരിട്ട് പ്രാഥമിക കാര്ഷിക സഹകരണ സംഘങ്ങള് വിളകള് സംഭരിക്കും. ഒരു കര്ഷകന് ഒരു സീസണില് 15 ഏക്കര് സ്ഥലത്തിനു മാത്രമേ ആനുകൂല്യത്തിന് അര്ഹതയുണ്ടാകൂ.
വിപണി വില അടിസ്ഥാന വിലയിലും താഴെ പോകുകയാണെങ്കില് പ്രാഥമിക സംഘങ്ങള്ക്ക് ഗ്യാപ് ഫണ്ട് തദ്ദേശസ്വയംഭരണ സ്ഥാപനങ്ങള് വഴി ലഭ്യമാക്കും. ഇതു സംബന്ധിച്ച കാര്യങ്ങള്ക്ക് തദ്ദേശസ്വയംഭരണ സ്ഥാപനത്തിന്റെ അധ്യക്ഷന് ചെയര്മാനായും പ്രാഥമിക കാര്ഷിക സഹകരണ സംഘം പ്രസിഡന്റ് വൈസ് ചെയര്മാനായും ഒരു കമ്മിറ്റി രൂപീകരിക്കുന്നതാണ്.
കൃഷി വകുപ്പ് ഈ പദ്ധതി നടപ്പാക്കുന്നത് എ.ഐ.എം.എസ് എന്ന ഓണ്ലൈന് പോര്ട്ടലിനെ ആധാരമാക്കിയായിരിക്കും. കര്ഷകരുടെ രജിസ്ട്രേഷന്, പ്രദേശവും ഉല്പാദനവും നിര്ണയിക്കല്, പ്രാദേശിക ഉല്പന്നമാണെന്ന് സാക്ഷ്യപ്പെടുത്തല് എന്നിവ എ.ഐ.എം.എസ് പോര്ട്ടലില് രേഖപ്പെടുത്തണം. സംഭരണ ഏജന്സികള്ക്കെല്ലാം ബാധകമാകുന്ന പ്രവര്ത്തന നടപടിക്രമങ്ങള് കൃഷി വകുപ്പ് തയ്യാറാക്കുന്നതാണ്.
വിപണിവില ഓരോ ഉല്പന്നത്തിനും നിശ്ചയിച്ച അടിസ്ഥാനവിലയേക്കാള് താഴെ പോകുമ്പോള് സംഭരണ ഏജന്സിയുടെ റിപ്പോര്ട്ടിന്റെ അടിസ്ഥാനത്തില് വിലയുടെ വ്യത്യാസം കൃഷിക്കാരുടെ ബാങ്ക് അക്കൗണ്ടിലേക്ക് കൃഷി വകുപ്പ് നല്കും. സംഭരിച്ച വിളകള് 'ജീവനി-കേരളാ ഫാം ഫ്രഷ് ഫ്രൂട്ട്സ് ആന്ഡ് വെജിറ്റബിള്സ്' എന്ന ബ്രാന്ഡില് വില്ക്കാനാണ് തീരുമാനം.
പദ്ധതികളുടെ നടത്തിപ്പ് വിലയിരുത്തുന്നതിനും കാലാകാലങ്ങളില് അടിസ്ഥാന വില പുതുക്കി നിശ്ചയിക്കുന്നിതിനും പുതിയ വിള ഉള്പ്പെടുത്തുന്നതിനും അഡീഷണല് ചീഫ് സെക്രട്ടറി (ഏകോപനം) ചെയര്മാനും കാര്ഷികോല്പാദന കമ്മീഷണര് വൈസ് ചെയര്മാനുമായി സംസ്ഥാനതല കമ്മിറ്റി രൂപീകരിക്കുന്നതാണ്. സംസ്ഥാനതല കമ്മിറ്റി അടിസ്ഥാനവില പുതുക്കി നിശ്ചയിക്കുമ്പോള് സര്ക്കാരിലേക്ക് ശുപാര്ശ സമര്പ്പിക്കേണ്ടതാണ്.
പ്രിസിഷന് ഫാമിംഗ് (സൂക്ഷ്മ കൃഷി) വഴി ഉല്പാദിപ്പിക്കുന്ന വിളകളുടെ അടിസ്ഥാന ഉല്പാദനക്ഷമത പഠിച്ച ശേഷം ആവശ്യമായ തീരുമാനം എടുക്കുന്നതിന് കൃഷിവകുപ്പിനെ ചുമതലപ്പെടുത്തിയിട്ടുണ്ട്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
