ബ്ലാക്ക് ഫംഗസ്; ഭീതി വേണ്ടെന്ന് ആരോഗ്യവകുപ്പ്
കോട്ടയം: സംസ്ഥാനത്ത് പല സ്ഥലങ്ങളിലും കൊവിഡ് ബാധിതരില് മ്യുകോര് മൈക്കോസിസ് (ബ്ലാക്ക് ഫംഗസ്) അണുബാധ സ്ഥിരീകരിച്ചതില് ഭീതി വേണ്ടെന്ന് ജില്ലാ മെഡിക്കല് ഓഫിസര് ഡോ.ജേക്കബ് വര്ഗീസ് അറിയിച്ചു. മ്യുകോര് മൈക്കോസിസ് ഒരു പകര്ച്ച വ്യാധിയല്ല. ഒരാളില്നിന്ന് മറ്റൊരാളിലേക്ക് പകരില്ല. സ്റ്റിറോയ്ഡ് വിഭാഗത്തില്പെടുന്ന മരുന്നുകള് ദീര്ഘകാലമായി ഉപയോഗിച്ചുവരുന്ന അനിയന്ത്രിത പ്രമേഹവവും രോഗ പ്രതിരോധ ശേഷിക്കുറവുമുള്ളവരില് നേരത്തെ തന്നെ അപൂര്വമായി കണ്ടുവന്നിരുന്ന അണുബാധയാണിത്. മറ്റുള്ളവര്ക്ക് ഈ ഫംഗസ് ബാധ ഉണ്ടാകുന്നത് വിരളമാണ്.
മുകളില് സൂചിപ്പിച്ച വിഭാഗത്തില്പെടാത്ത കൊവിഡ് രോഗികള്ക്ക് ബാധിക്കാന് സാധ്യതയുമില്ല. സംസ്ഥാനത്ത് ആകെ നിലവില് 19 പേര്ക്ക് അണുബാധ സ്ഥിരീകരിച്ചിട്ടുണ്ട്. കൊവിഡ് വ്യാപനത്തിനു മുമ്പും സംസ്ഥാനത്ത് വര്ഷത്തില് ശരാശരി പത്തില് താഴെ ആളുകളില് ബ്ലാക്ക് ഫംഗസ് റിപോര്ട്ട് ചെയ്യപ്പെട്ടിരുന്നു. ഇതിനു ഫലപ്രദമായ ചികില്സ സര്ക്കാര് ആശുപത്രികളില് ലഭ്യമാണ്. രോഗകാരണമായ ഫംഗസ് മണ്ണിലാണ് കാണപ്പെടുന്നത്.
സ്റ്റിറോയ്ഡ് ചികിത്സയ്ക്ക് വിധേയരാകുന്ന അനിയന്ത്രിത പ്രമേഹവും പ്രതിരോധശേഷിക്കുറവുമുള്ളവര് മാസ്ക് ശരിയായി ധരിക്കുകയും വീടുകളില് തന്നെ കഴിയുകയും ചെയ്യുന്നത് രോഗ ബാധ ഒഴിവാക്കാന് സഹായിക്കും. ഡോക്ടറുടെ നിര്ദ്ദേശപ്രകാരമല്ലാതെ സ്റ്റിറോയ്ഡ് മരുന്നുകള് കഴിക്കുന്നതും നിര്ദ്ദിഷ്ഠ കാലയളവിനുശേഷവും കഴിക്കുന്നതും ഒഴിവാക്കേണ്ടതാണെന്ന് ഡിഎംഒ പറഞ്ഞു.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT