ബത്തേരി കോഴക്കേസ്‌; ബിജെപി നേതാക്കൾ പ്രതികളാകും

കൽപ്പറ്റ: ബത്തേരി കോഴക്കേസിൽ ബിജെപി നേതാക്കൾ പ്രതികളാകും. ബിജെപി സംസ്ഥാന സംഘനാ ജനറൽ സെക്രട്ടറി എം ഗണേഷ്‌, വയനാട്‌ ജില്ലാ ജനറൽ സെക്രട്ടറി പ്രശാന്ത്‌ മലവയൽ എന്നിവരാണ്‌ പ്രതികളാകുക. ഫോൺ ഹാജരാക്കാൻ ആവശ്യപ്പെട്ടിട്ടും തയ്യാറാകാത്തതിനെത്തുടർന്നാണ്‌ ഇരുവർക്കുമെതിരേ ക്രൈംബ്രാഞ്ച്‌ കേസെടുക്കുന്നത്‌.

ഫോണുകളെല്ലാം നിർണായക തെളിവുകളാണ്‌ ഈ കേസിൽ. ഇരുവർക്കെതിരേ മൊഴികളുമുണ്ട്‌. ഇത്‌ മാനന്തവാടി കോടതിയിൽ ഹാജരാക്കിയിട്ടുള്ളതാണ്‌. തിരഞ്ഞെടുപ്പ്‌ സമയത്ത്‌ ഉപയോഗിച്ച ഫോണുകളാണ്‌ ഹാജരാക്കേണ്ടത്‌. എന്നാൽ ഗണേഷ്‌ പുതിയ ഫോണാണ്‌ നൽകയിയത്‌. പഴയ ഫോൺ നശിപ്പിച്ചതായും സംശയമുണ്ട്‌. പ്രശാന്ത്‌ ഫോൺ ഹാജരാക്കാൻ തയ്യാറായിട്ടില്ല. ഈ സാഹചര്യത്തിലാണ്‌ ഇരുവർക്കുമെതിരേ കേസ്‌.