ചുവരെഴുത്തില്‍ സാമൂഹികവിരുദ്ധര്‍ കരിഓയില്‍ ഒഴിച്ചു

തിരുവനന്തപുരം: മണ്ഡലത്തിലെ എല്‍ഡിഎഫ് സ്ഥാനാര്‍ഥി സി ദിവാകരന്റെ പ്രചാരണത്തിനായി എഴുതിയ ചുവരുകളില്‍ സാമൂഹികവിരുദ്ധര്‍ കരി ഓയില്‍ ഒഴിച്ചു. എല്‍ഡിഎഫ് വഴയില മേഖലയിലെ 41ാം ബൂത്ത് കമ്മിറ്റിയുടെ നേതൃത്വത്തില്‍ എഴുതിയ ചുവരിലാണ് ഞായറാഴ്ച രാത്രി കരിഓയില്‍ ഒഴിച്ചത്. എല്‍ഡിഎഫ് ക്യാംപയിന്‍ പ്രവര്‍ത്തനങ്ങള്‍ സജീവമായതോടെ പ്രദേശത്ത് സംഘര്‍ഷം സൃഷ്ടിക്കാനുള്ള ശ്രമങ്ങളാണ് സംഘപരിവാറിന്റെ ഭാഗത്തുനിന്നുമുണ്ടാവുന്നതെന്ന് എല്‍ഡിഎഫ് നേതൃത്വം ആരോപിച്ചു.