ആള് ഇന്ത്യ ഇമാംസ് കൗണ്സില് നീതി പ്രതിജ്ഞാ മാര്ച്ച് ഡിസംബര് 3ന്
മാര്ച്ച് ആള് ഇന്ത്യ ഇമാംസ് കൗണ്സില് ദേശീയ ജനറല് സെക്രട്ടറി എ സി ഫൈസല് അശ്റഫി ഉദ്ഘാടനം ചെയ്യും.
തിരുവനന്തപുരം: ബാബരി മസ്ജിദ് ധ്വംസനത്തിന്റെ വാര്ഷികത്തോടനുബന്ധിച്ച് ഇമാമുമാരുടെ നേതൃത്വത്തില് ഡിസംബര് 3ന് രാവിലെ 10 മണിക്ക് രാജ്ഭവനിലേക്ക് നീതി പ്രതിജ്ഞാ മാര്ച്ച് സംഘടിപ്പിക്കും. ബാബരി മസ്ജിദ് വിഷയത്തില് വസ്തുതകള് അവഗണിച്ച് വിശ്വാസത്തെയും കഥകളെയും കണക്കിലെടുത്ത് സുപ്രിംകോടതി നടത്തിയ വിധിപ്രസ്താവം നിയമജ്ഞരുടെയും രാഷ്ട്രീയനിരീക്ഷകരുടെയും നിശിതമായ വിമര്ശനങ്ങള്ക്ക് ഇടയാക്കിയിരുന്നു. അതോടൊപ്പം മഥുര ഈദ്ഗാഹ് മസ്ജിദിനു നേരെയും പുതിയ അവകാശവാദങ്ങളുമായി സംഘപരിവാര് രംഗത്തുവരികയും തല്സംബന്ധമായ കേസ് ജില്ലാകോടതി ഫയലില് സ്വീകരിക്കുകയും ചെയ്തിട്ടുണ്ട്.
ഈ പശ്ചാത്തലത്തിലാണ് ആള് ഇന്ത്യ ഇമാംസ് കൗണ്സില് സംസ്ഥാന സമിതി രക്തസാക്ഷി മണ്ഡപത്തില്നിന്ന് രാജ്ഭവനിലേക്ക് നീതി പ്രതിജ്ഞാ മാര്ച്ച് സംഘടിപ്പിച്ചിട്ടുള്ളത്. മാര്ച്ച് ആള് ഇന്ത്യ ഇമാംസ് കൗണ്സില് ദേശീയ ജനറല് സെക്രട്ടറി എ സി ഫൈസല് അശ്റഫി ഉദ്ഘാടനം ചെയ്യും.
പ്രതിഷേധ സംഗമത്തില് ജംഇയ്യത്തുല് ഉലമയെ ഹിന്ദ് സംസ്ഥാന ജനറല് സെക്രട്ടറി വി എച്ച് അലിയാര് മൗലവി, ഇമാംസ് കൗണ്സില് സംസ്ഥാന പ്രസിഡന്റ് ടി അബ്ദുറഹ്മാന് ബാഖവി, ഉലമ സംയുക്ത സമിതി ചെയര്മാന് കല്ലമ്പലം എസ് അര്ഷദ് അല് ഖാസിമി, കെഎംവൈഎഫ് സംസ്ഥാന പ്രസിഡന്റ് ഇലവുപാലം ഷംസുദ്ദീന് മന്നാനി, ഖതീബ് & ഖാസി ഫോറം സംസ്ഥാന പ്രസിഡന്റ് പാനിപ്ര ഇബ്റാഹിം ബാഖവി, വെല്ലൂര് ബാഖിയാത് പ്രഫസര് മാഹീന് ഹസ്റത്, വിഴിഞ്ഞം സഈദ് മൗലവി, മുസ്ലിം സംയുക്ത വേദി ചെയര്മാന് പാച്ചല്ലൂര് അബ്ദുല് സലീം മൗലവി, മുവാറ്റുപുഴ അഷ്റഫ് മൗലവി, കടുവയില് മന്സൂറുദ്ദീന് റഷാദി, ഹസന് ബസരി മൗലവി, വി എം ഫത്ഹുദ്ദീന് റഷാദി, ഹാഫിസ് അഫ്സല് ഖാസിമി, കെ കെ അബ്ദുല് മജീദ് ഖാസിമി, അര്ഷദ് മുഹമ്മദ് നദ്വി, വയ്യാനം ഷാജഹാന് മന്നാനി, സലിം റഷാദി കൊല്ലം, ഫിറോസ്ഖാന് ബാഖവി പൂവച്ചല് തുടങ്ങിയവര് പങ്കെടുക്കും.
RELATED STORIES
മുസ് ലിം സ്ഥാനാര്ഥിയില്ല'; പ്രചാരണസമിതിയില് നിന്ന് രാജിവച്ച്...
27 April 2024 5:52 PM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMTലൈംഗികാതിക്രമ പരാതിയില് കുറ്റക്കാരനാണെന്ന് കണ്ടെത്തിയതിനെ തുടര്ന്ന്...
27 April 2024 9:00 AM GMTസിബിഎസ്ഇ ബോർഡ് പരീക്ഷകൾ 2025-'26 അധ്യയനവർഷം മുതൽ വർഷത്തിൽ രണ്ടുതവണ
27 April 2024 8:57 AM GMTമണിപ്പൂരില് വീണ്ടും സംഘര്ഷം; രണ്ട് സിആര്പിഎഫ് ജവാന്മാര്...
27 April 2024 5:55 AM GMT'മുസ് ലിം വോട്ട് വേണം, സ്ഥാനാര്ഥികളെ വേണ്ട'; മഹാരാഷ്ട്ര കോണ്ഗ്രസ്...
27 April 2024 5:48 AM GMT