ആകാശവാണി മുന്‍ ഡയറക്റ്റര്‍ സി പി രാജശേഖരന്‍ അന്തരിച്ചു

തൃശൂര്‍: ആകാശവാണി മുന്‍ ഡയറക്ടറും എഴുത്തുകാരനുമായ സിപി രാജശേഖരന്‍ അന്തരിച്ചു. ഇന്ന് പുലര്‍ച്ചെ തൃശൂരിലെ സ്വകാര്യ ആശുപത്രിയിലായിരുന്നു അന്ത്യം.ഹൃദയ സംബന്ധമായ അസുഖത്തെത്തുടര്‍ന്ന് ചികിത്സയിലായിരുന്നു. നിരവധി നാടകങ്ങള്‍ ബാലസാഹിത്യം, ലേഖന സമാഹാരങ്ങള്‍, ഇംഗ്ലീഷ് കാവ്യസമാഹാരങ്ങള്‍, നിരൂപണങ്ങള്‍ എന്നിവ രചിച്ചിട്ടുണ്ട്. കേരള സാഹിത്യ അക്കാദമി അവാര്‍ഡ്, കേരള സംഗീത നാടക അക്കാദമി അവാര്‍ഡ്, ദൂര്‍ദര്‍ശന്‍ അവാര്‍ഡ്, സംസ്ഥാന ടെലിവിഷന്‍ അവാര്‍ഡ്, ടെലിവിഷന്‍ അവാര്‍ഡ്, വിവിധ രചനകള്‍ക്കും സംവിധാനത്തിനുമായി ആകാശവാണിയുടെ 10 ദേശീയ അവാര്‍ഡുകള്‍, ഇന്ത്യയിലെ ബെസ്റ്റ് പബ്ലിക് സര്‍വീസ് ബ്രോഡ്കാസ്റ്റര്‍ അവാര്‍ഡ്, ബോംബെ ആവാസ് അവാര്‍ഡ്, ഇറാന്‍ റേഡിയോ ഫെസ്‌റിവല്‍ ഇറാന്‍ റേഡിയോ ഫെസ്‌റിവല്‍ ഇന്റര്‍നാഷണല്‍ നോമിനേഷന്‍ എന്നിവ ലഭിച്ചിട്ടുണ്ട്.ആകാശവാണിയുടേയും ദൂരദര്‍ശന്റേയും ഡയറക്ടറായി വിരമിച്ച ശേഷം അദ്ദേഹം സുപ്രഭാതം ദിനപത്രത്തിന്റെ പ്രഥമ ചീഫ് എഡിറ്ററായിരുന്നു. സംസ്‌കാരം പിന്നീട് നടക്കും.