നടിയെ ആക്രമിച്ച കേസ്: സുപ്രിം കോടതിയിലെ സര്‍ക്കാര്‍ നിലപാടിനെതിരെ ഹൈക്കോടതി

കൊച്ചി: നടിയെ തട്ടിക്കൊണ്ടുപോയി ആക്രമിച്ച കേസില്‍ പ്രതിയായ നടന്‍ ദിലീപിനെതിരെ ഉടന്‍ കുറ്റം ചുമത്തില്ലെന്ന് സര്‍ക്കാര്‍ സുപ്രിം കോടതിയില്‍ നിലപാടെടുത്തതിനെതിരെ ഹൈക്കോടതിയുടെ വിമര്‍ശനം.കുറ്റപത്രം കോടതിയില്‍ സമര്‍പ്പിക്കാനല്ലാതെ കുറ്റം ചുമത്തുന്നതില്‍ സര്‍ക്കാരിന് പങ്കില്ലെന്ന് ജസ്റ്റിസ് പി ഉബൈദ് വ്യക്തമാക്കി. കേസിലെ ആറാം പ്രതി പ്രദീപിന്റെ ജാമ്യഹരജി പരിഗണിക്കവെയാണ് കോടതിയുടെ വിമര്‍ശനം.കേസിന്റെ വിചാരണ ആറു മാസത്തിനകം പൂര്‍ത്തിയാക്കണമെന്ന് ഹൈക്കോടതി നേരത്തെ ഉത്തരവ് പുറപ്പെടുവിച്ചിരുന്നുവെന്നും ഹൈക്കോടതി ചൂണ്ടിക്കാട്ടി.ആറാം പ്രതി പ്രദീപിന്റെ ജാമ്യ ഹരജി കോടതി തള്ളി.