അബ്ദുല് കരീം മുസ്ല്യാര് വധശ്രമം: മുഖ്യപ്രതി പോലിസിനെ വെട്ടിച്ച് രക്ഷപ്പെട്ടു
കേസിലെ ഒന്നാംപ്രതിയായ കന്യാന സ്വദേശി ഒളിവില് കഴിയുന്നുവെന്ന് രഹസ്യ വിവരം ലഭിച്ചതിന്റെ അടിസ്ഥാനത്തിലാണ് അന്വേഷണ ഉദ്യോഗസ്ഥനായ സിഐ സി ബി തോമസും സംഘവുമെത്തിയത്
കാസര്കോഡ്: ശബരിമല യുവതി പ്രവേശനത്തില് പ്രതിഷേധിച്ച് ശബരിമല കര്മ സമിതി നടത്തിയ ഹര്ത്താല് ദിനത്തില് ബായാര് മുളിഗദ്ദെയിലെ മദ്റസാധ്യാപകന് അബ്ദുല് കരീമിനെ വെട്ടിക്കൊലപ്പെടുത്താന് ശ്രമിച്ച കേസിലെ മുഖ്യപ്രതിയായ ആര്എസ്എസ് പ്രവര്ത്തകന് പോലിസിനെ വെട്ടിച്ച് രക്ഷപ്പെട്ടു. പോലിസുകാരെ കണ്ട പ്രതി താന് ഓടിച്ച സ്കൂട്ടര് പോലിസുകാര്ക്കു നേരെ ഓടിച്ചുവിട്ട് രക്ഷപ്പെട്ടെന്നാണു പോലിസുകാര് പറയുന്നത്. സ്കൂട്ടറിടിച്ച് രണ്ട് പോലിസുകാര്ക്കു സാരമായി പരിക്കേല്ക്കുകയും ചെയ്തു. ഇന്ന് രാവിലെ കന്യാന ബെരിക്കട്ടെയിലാണ് സംഭവം. കേസിലെ ഒന്നാംപ്രതിയായ കന്യാന സ്വദേശി ഒളിവില് കഴിയുന്നുവെന്ന് രഹസ്യ വിവരം ലഭിച്ചതിന്റെ അടിസ്ഥാനത്തിലാണ് അന്വേഷണ ഉദ്യോഗസ്ഥനായ സിഐ സി ബി തോമസും സംഘവുമെത്തിയത്. ഇതിനിടെയാണ് പോലിസിനെ കണ്ട് പ്രതി ഓടിച്ചിരുന്ന സ്കൂട്ടര് പോലിസുകാര്ക്കു നേരെ വിട്ട് ഓടിരക്ഷപ്പെട്ടത്. സ്കൂട്ടര് പോലിസ് കസ്റ്റഡിയിലെടുത്തിട്ടുണ്ട്. ഇയാളെ കണ്ടെത്താന് പോലിസ് അന്വേഷണം ഊര്ജിതമാക്കിയിട്ടുണ്ട്. ഹര്ത്താല് ദിന അക്രമവുമായി ബന്ധപ്പെട്ട് 11 പേരെ പോലിസ് നേരത്തേ അറസ്റ്റ് ചെയ്തിരുന്നു. ഒന്നാം പ്രതിയടക്കം അഞ്ചുപേരെയാണ് ഇനി പിടികൂടാനുള്ളത്.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT