തിരുവനന്തപുരം ശ്രീചിത്ര പുവര് ഹോമില് 14കാരന് ക്രൂരമര്ദ്ദനം; തല്ലിയത് അഞ്ചു സഹപാഠികള്
ഈ മാസം ആറിന് ശ്രീചിത്ര പുവര് ഹോമില് നടന്ന ഓണാഘോഷ പരിപാടികള്ക്ക് ശേഷമാണ് മര്ദ്ദനമുണ്ടായത്. എട്ടാം തീയതി വീട്ടിലെത്തിയ കുട്ടിയുടെ ദേഹത്ത് മര്ദനമേറ്റ പാടുകള് കണ്ട് വീട്ടുകാര് ചോദിച്ചപ്പോഴാണ് കാര്യം പറയുന്നത്.
തിരുവനന്തപുരം: ശ്രീചിത്ര പുവര് ഹോമില് അഞ്ചു സഹപാഠികള് ചേര്ന്ന് 14കാരനെ ക്രൂരമായി മര്ദ്ദിച്ചതായി പരാതി. ആര്യനാട് സ്വദേശിക്കാണ് മര്ദ്ദനമേറ്റത്. പരിക്കേറ്റ കുട്ടി തിരുവനന്തപുരം മെഡിക്കല് കോളജ് ആശുപത്രിയില് ചികിത്സയിലാണ്. ഈ മാസം ആറിന് ശ്രീചിത്ര പുവര് ഹോമില് നടന്ന ഓണാഘോഷ പരിപാടികള്ക്ക് ശേഷമാണ് മര്ദ്ദനമുണ്ടായത്. എട്ടാം തീയതി വീട്ടിലെത്തിയ കുട്ടിയുടെ ദേഹത്ത് മര്ദനമേറ്റ പാടുകള് കണ്ട് വീട്ടുകാര് ചോദിച്ചപ്പോഴാണ് കാര്യം പറയുന്നത്.
ഉടന് തന്നെ ശ്രീചിത്ര പുവര് ഹോമിലെ സൂപ്രണ്ടിനെ വിവരം അറിയിച്ചെങ്കിലും കേസ് അടക്കമുള്ള മറ്റു നടപടികളുമായി പോകേണ്ടതില്ലെന്നാണ് അധികൃതര് നല്കിയ മറുപടിയെന്ന് വീട്ടുകാര് ആരോപിച്ചു. ഉടന് തന്നെ നെടുമങ്ങാടുള്ള സര്ക്കാര് ആശുപത്രിയില് കുട്ടിയെ ചികിത്സയ്ക്കായി കൊണ്ടുപോയി.
ദേഹാസ്വാസ്ഥ്യം തുടര്ന്നതോടെ, കുട്ടിയെ വിദഗ്ധ ചികിത്സയ്ക്കായി തിരുവനന്തപുരം മെഡിക്കല് കോളജില് പ്രവേശിപ്പിച്ചു. നിലവില് മെഡിക്കല് കോളജില് കുട്ടി ചികിത്സയിലാണ്. സംഭവത്തില് സിഡബ്ല്യൂസിക്ക് പരാതി നല്കിയതായി കുട്ടിയുടെ അമ്മ പറഞ്ഞു.
RELATED STORIES
റഹീമിന്റെ മോചനം ലക്ഷ്യത്തിലേക്ക്; കൊല്ലപ്പെട്ടയാളുടെ കുടുംബത്തെ കോടതി...
2 May 2024 7:50 AM GMTയുഎഇയില് ശക്തമായ കാറ്റും മഴയും തുടരുന്നു; വൈകിട്ട് വരെ മഴ തുടരും
2 May 2024 4:55 AM GMTതാനൂർ സ്വദേശി സൗദിയിലെ ദമ്മാമിൽ മരിച്ചു
2 May 2024 3:50 AM GMTവൈക്കത്ത് ക്രിക്കറ്റ് കളികഴിഞ്ഞ് വിശ്രമിക്കുന്നതിനിടെ യുവാവ്...
1 May 2024 6:11 PM GMTയുഎഇയിലെ കാലാവസ്ഥ; വിമാനയാത്രികര്ക്ക് അറിയിപ്പ്
1 May 2024 5:54 PM GMTഗസയിലെ ഇസ്രായേല് ആക്രമണം; മലേഷ്യയിലെ 100ലധികം കെഎഫ്സി...
1 May 2024 5:42 PM GMT