തിരുവനന്തപുരത്ത് 12 കോടിയുടെ ഹാഷിഷ് ഓയില് പിടികൂടി
തമിഴ്നാട് മധുര സ്വദേശി സാദിക്ക് (41), ആന്ധ്ര വിശാഖപട്ടണത്ത് സ്ഥിരതാമസമാക്കിയ ഇടുക്കി നെടുങ്കണ്ടം സ്വദേശി സാബു സേവ്യര് (41) എന്നിവരെയാണ് ഒന്നും രണ്ടും പ്രതികളായി അറസ്റ്റുചെയ്തത്. പ്രതികളുടെ പക്കല്നിന്നും 3,04,510 രൂപയും കണ്ടെടുത്തു.
തിരുവനന്തപുരം: തലസ്ഥാനത്ത് 12 കോടി വിലവരുന്ന 11 കിലോയോളം വരുന്ന ഹാഷിഷ് ഓയിലുമായി രണ്ടുപേരെ പിടികൂടി. തമിഴ്നാട് മധുര സ്വദേശി സാദിക്ക് (41), ആന്ധ്ര വിശാഖപട്ടണത്ത് സ്ഥിരതാമസമാക്കിയ ഇടുക്കി നെടുങ്കണ്ടം സ്വദേശി സാബു സേവ്യര് (41) എന്നിവരെയാണ് ഒന്നും രണ്ടും പ്രതികളായി അറസ്റ്റുചെയ്തത്.
പ്രതികളുടെ പക്കല്നിന്നും 3,04,510 രൂപയും കണ്ടെടുത്തു. എക്സൈസ് സര്ക്കിള് ഇന്സ്പെക്ടര് ടി അനികുമാറിന് ലഭിച്ച രഹസ്യവിവരത്തെ തുടര്ന്ന് തിരുവനന്തപുരം എക്സൈസ് സര്ക്കിള് പാര്ട്ടിയും കഴക്കൂട്ടം എക്സൈസ് റെയ്ഞ്ച് പാര്ട്ടിയും സംയുക്തമായി നടത്തിയ പരിശോധനയിലാണ് തിരുവനന്തപുരം പാര്ഥാസ് ടെക്സ്റ്റൈല്സിന് സമീപത്തുനിന്ന് പ്രതികള് പിടിയിലായത്.
മാലിയിലേയ്ക്ക് തിരുവനന്തപുരം സ്വദേശി മുഖാന്തിരം കടത്താനായി കൊണ്ടുവന്നതായിരുന്നു ഹാഷിഷ് ഓയില്. എക്സൈസ് ഇന്സ്പെക്ടര്മാരായ ജി കൃഷ്ണകുമാര്, എ പ്രദീപ് റാവു, അസിസ്റ്റന്റ് എക്സൈസ് ഇന്സ്പെക്ടര് ടി ആര് മുകേഷ്കുമാര്, പ്രിവന്റീവ് ഓഫിസര്മാരായ ദീപുക്കുട്ടന്, സുനില്രാജ്, ബൈജു, ബി സന്തോഷ് കുമാര്, സിവില് എക്സൈസ് ഓഫിസര്മാരായ ശിവന്, കൃഷ്ണപ്രസാദ്, സുബിന്, ആര് രാജേഷ്, പ്രവീണ്, ഷാജികുമാര് എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
