സംഘപരിവാര പ്രവര്ത്തകരില് നിന്നു വര്ഗീയ വിദ്വേഷം ജനിപ്പിക്കുന്ന ലഘുലേഖകള് പിടിച്ചെടുത്തു
തിരുവനന്തപുരം: ലോക്സഭാ തിരഞ്ഞെടുപ്പിനോടനുബന്ധിച്ചു നടത്തിയ പരിശോധനയില് സംഘപരിവാര പ്രവര്ത്തകരില് നിന്നു വര്ഗീയ വിദ്വേഷം ജനിപ്പിക്കുന്ന ഒരു ലക്ഷത്തോളം ലഘുലേഖകള് പ്രത്യേക സ്ക്വാഡ് പിടിച്ചെടുത്തതായി തെരഞ്ഞെടുപ്പ് കമ്മീഷന് അറിയിച്ചു. ആറ്റിങ്ങല് അവനവന്ചേരിയില്വച്ച് തിങ്കളാഴ്ച ഉച്ചയ്ക്ക് 12നാണ് നോട്ടീസുകള് പിടിച്ചെടുത്തത്. ശബരിമല: കമ്മ്യുണിസ്റ്റ് ഭീകരതയും കോണ്ഗ്രസിന്റെ വഞ്ചനയും എന്ന പേരില് അച്ചടിച്ച ലഘുലേഖകളാണ് പിടികൂടിയത്. ഒരു ഇന്നോവ കാര് നിറയെ ഇത്തരം നോട്ടീസുകളായിരുന്നു. കലൂര് പാവക്കുളത്ത് ശബരിമല കര്മ സമിതി സംസ്ഥാന കാര്യാലയത്തിന്റെ പേരിലാണ് ലഘുലേഘകള് അച്ചടിച്ചിരിക്കുന്നത്. ഹിന്ദുഐക്യവേദി നേതാവ് കിളിമാനൂര് സുരേഷ് ഉള്പ്പെടെയുള്ളവരാണ് നോട്ടീസ് വിതരണത്തിനായി കൊണ്ടുപോയത്. മതത്തിന്റെ പേരില് വോട്ട് പിടിക്കരുതെന്ന തെരഞ്ഞെടുപ്പ് കമീഷന്റെ കര്ശന നിര്ദേശം നിലനില്ക്കെയാണ് വര്ഗീയത പ്രചരിപ്പിക്കുന്ന ലഘുലേഖകള് വ്യാപകമായി പ്രചരിപ്പിക്കുന്നത്. ലഘുലേഖകള് കൊണ്ടുവന്ന വാഹനം പോലിസ് പിടിച്ചെടുത്തു. ലഘുലേഖകളുടെയും വാഹനത്തിന്റെയും ദൃശ്യങ്ങള് ഉദ്യോഗസ്ഥര് വീഡിയോയില് ചിത്രീകരിച്ചിട്ടുണ്ട്.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT