അറബിക്കടലില് ഇരട്ട ന്യൂനമര്ദത്തിന് സാധ്യത; മല്സ്യബന്ധനത്തിന് 28 അര്ധരാത്രി മുതല് വിലക്ക്
അറബിക്കടലില് ന്യൂനമര്ദങ്ങള് രൂപപ്പെടാനുള്ള സാധ്യത പ്രവചിക്കപ്പെട്ട പശ്ചാത്തലത്തില് മെയ് 28 മുതല് കേരള തീരത്തും അതിനോട് ചേര്ന്നുള്ള അറബിക്കടലിലും മല്സ്യ ബന്ധനം പൂര്ണ്ണമായി നിരോധിച്ചിരിക്കുന്നു. മെയ് 28 ന് ശേഷം കേരള തീരത്ത് നിന്ന് യാതൊരു കാരണവശാലും മല്സ്യതൊഴിലാളികള് കടലില് പോകാന് പാടില്ല. നിലവില് ആഴക്കടല്, ദീര്ഘദൂര മല്സ്യബന്ധനത്തില് ഏര്പ്പെട്ടു കൊണ്ടിരിക്കുന്നവര് മെയ് 28 രാത്രിയോടെ കേരള തീരത്ത് മടങ്ങിയെത്തുകയോ അല്ലെങ്കില് ഏറ്റവും അടുത്തുള്ള സുരക്ഷിത തീരത്തെത്തുകയോ ചെയ്യണം
കൊച്ചി: തെക്ക് കിഴക്കന് അറബിക്കടലിലും അതിനോട് ചേര്ന്നുള്ള മധ്യ കിഴക്കന് അറബിക്കടല് പ്രദേശത്തുമായി മെയ് 31 നോട് കൂടി ന്യൂനമര്ദം രൂപപ്പെടാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇത് കേരള തീരത്ത് നിന്ന് അധികം അകലെയല്ലാത്ത പ്രദേശമാണ്.മധ്യ പടിഞ്ഞാറന് അറബിക്കടലിലും അതിനോടു ചേര്ന്നുള്ള തെക്ക് പടിഞ്ഞാറന് അറബിക്കടല് പ്രദേശത്തുമായി ഒരു ന്യൂനമര്ദം മെയ് 29 നോട് കൂടി രൂപപ്പെടാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
അറബിക്കടലില് ന്യൂനമര്ദങ്ങള് രൂപപ്പെടാനുള്ള സാധ്യത പ്രവചിക്കപ്പെട്ട പശ്ചാത്തലത്തില് മെയ് 28 മുതല് കേരള തീരത്തും അതിനോട് ചേര്ന്നുള്ള അറബിക്കടലിലും മല്സ്യ ബന്ധനം പൂര്ണ്ണമായി നിരോധിച്ചിരിക്കുന്നു. മെയ് 28 ന് ശേഷം കേരള തീരത്ത് നിന്ന് യാതൊരു കാരണവശാലും മല്സ്യതൊഴിലാളികള് കടലില് പോകാന് പാടില്ല. നിലവില് ആഴക്കടല്, ദീര്ഘദൂര മല്സ്യബന്ധനത്തില് ഏര്പ്പെട്ടു കൊണ്ടിരിക്കുന്നവര് മെയ് 28 രാത്രിയോടെ കേരള തീരത്ത് മടങ്ങിയെത്തുകയോ അല്ലെങ്കില് ഏറ്റവും അടുത്തുള്ള സുരക്ഷിത തീരത്തെത്തുകയോ ചെയ്യേണ്ടതാണെന്ന് സംസ്ഥാന ദുരന്ത നിവാരണ അതോറിറ്റി അധികൃതര് അറിയിച്ചു.ന്യൂനമര്ദ മുന്നറിയിപ്പിന്റെ പശ്ചാത്തലത്തില് ജില്ലാഭരണകൂടങ്ങളോടും ബന്ധപ്പെട്ട വകുപ്പുകളോടും ആവശ്യമായ തയ്യറെടുപ്പുകള് നടത്താന് ദുരന്ത നിവാരണ അതോറിറ്റി നിര്ദേശം നല്കി.
കടല് പ്രക്ഷുബ്ധമാകും എന്നതിനാല് മല്സ്യബന്ധന നിരോധനത്തോടൊപ്പം കടലാക്രമണ ഭീഷണി നിലനില്ക്കുന്ന പ്രദേശങ്ങളില് ക്യാംപുകള് കണ്ടത്തി കോവിഡ് 19 പശ്ചാത്തലത്തില് 'ഓറഞ്ച് ബുക്ക് 2020' ലെ മാര്ഗ നിര്ദേശത്തിന്റെ അടിസ്ഥാനത്തില് തയ്യാറാക്കി വെക്കാനും അവ പൊതുജനങ്ങളെയും ജനപ്രതിനിധികളെയും അറിയിക്കാനും നിര്ദേശം നല്കിയിട്ടുണ്ട്. മല്സ്യബന്ധന ഉപകരണങ്ങളുടെ സുരക്ഷക്കായി മുന്കരുതല് നിര്ദേശങ്ങള് തയ്യാറാക്കി മല്സ്യബന്ധന കേന്ദ്രങ്ങളിലും മല്സ്യത്തൊഴിലാളി ഗ്രാമങ്ങളിലും പ്രചരിപ്പിക്കാനും ഫിഷറീസ് വകുപ്പിന് നിര്ദേശം നല്കി.സ്ഥിരമായി കടലാക്രമണ ഭീഷണിയുള്ള മേഖലകളില് യുദ്ധകാലാടിസ്ഥാനത്തില് മണല്ച്ചാക്കുകളോ ജിയോ ട്യൂബുകളോ സ്ഥാപിക്കാന് തദ്ദേശ സ്ഥാപനങ്ങള്, ജലസേചന വകുപ്പ്, ജില്ലാ ഭരണകൂടം എന്നിവര്ക്ക് ദുരന്ത നിവാരണ അതോറിറ്റി നിര്ദേശം നല്കിയിട്ടുണ്ട്.കേരളത്തില് പൊതുവില് ശക്തമായ കാറ്റ് മൂലം മരങ്ങള് കടപൊഴുകി വീഴാനും ഇലക്ട്രിക്, ടെലിഫോണ് പോസ്റ്റുകള് ഒടിഞ്ഞു വീഴാനും അത് മൂലമുള്ള അപകടങ്ങള്ക്കും സാധ്യതയുണ്ട്.
ഇത്തരത്തില് അപകടാവസ്ഥയിലുള്ള പോസ്റ്റുകളോ മരങ്ങളോ ശ്രദ്ധയില് പെട്ടാല് കണ്ട്രോള് റൂമുകളില് വിവരം അറിയിക്കേണ്ടതാണ്.ശക്തമായ മഴ മൂലം താഴ്ന്ന പ്രദേശങ്ങളില് വെള്ളപ്പൊക്കത്തിനും മലയോര മേഖലയില് ഉരുള്പൊട്ടലിനും മണ്ണിടിച്ചിലിനും സാധ്യതയുണ്ട്. ഈ സാഹചര്യത്തില് വെള്ളപ്പൊക്ക, ഉരുള്പൊട്ടല് സാധ്യതയുള്ള പ്രദേശങ്ങളില് താമസിക്കുന്നവര് ന്യൂനമര്ദം സ്വാധീനത്താല് മഴ ലഭിക്കുന്ന ഘട്ടത്തില് പ്രത്യേക ജാഗ്രത പാലിക്കണം. ഇവിടങ്ങളില് ക്യാംപുകള് സജ്ജീകരിക്കാനുള്ള നിര്ദേശം നല്കിയിട്ടുണ്ട്. മുന്നറിയിപ്പുകളുടെ അടിസ്ഥാനത്തില് അണക്കെട്ടുകളിലെ വെള്ളം ഒഴുക്കി വിടാനുള്ള സാധ്യതയുണ്ട് അണക്കെട്ടുകളുടെ താഴെയും നദിക്കരകളിലും താമസിക്കുന്നവര് ജാഗ്രത പാലിക്കുകയും മുന്നറിയിപ്പുകളുടെ അടിസ്ഥാനത്തില് പ്രവര്ത്തിക്കുകയും ചെയ്യേണ്ടതാണെന്നും അധികൃതര് അറിയിച്ചു.
ജില്ല ഇഒസികള്, താലൂക്ക് കണ്ട്രോള് റൂമുകള്, ഫിഷെറീസ്, കെഎസ്ഇബി, പോലിസ് വകുപ്പുകളുടെ കണ്ട്രോള് റൂമുകളും 24*7 മണിക്കൂറും പ്രവര്ത്തിപ്പിക്കാന് ദുരന്ത നിവാരണ അതോറിറ്റി നിര്ദേശിച്ചിട്ടുണ്ട്. 1077 എന്ന ടോള്ഫ്രീ നമ്പറില് ജില്ലാ ദുരന്ത നിവാരണ അതോറിറ്റിയുടെ അടിയന്തരഘട്ട കാര്യനിര്വഹണ കേന്ദ്രത്തെ പൊതുജനങ്ങള്ക്ക് ബന്ധപ്പെടാവുന്നതാണ്.ഇന്ന് കേരള തീര്ത്ത് മത്സ്യബന്ധനത്തിന് തടസ്സമില്ല. എന്നാല് ഗള്ഫ് ഓഫ് മാന്നാര്, പടിഞ്ഞാറന് ബംഗാള് ഉള്ക്കടല്, തെക്ക് പടിഞ്ഞാറന് അറബിക്കടല്, വടക്ക് പടിഞ്ഞാറന് അറബിക്കടല് എന്നിവിടങ്ങളില് മല്സ്യബന്ധനത്തിന് പോകരുതെന്നും സംസ്ഥാന ദുരന്ത നിവാരണ അതോറിറ്റി അധികൃതര് അറിയിച്ചു.
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT