ഇലക്ട്രിക് പോസ്റ്റില്‍നിന്ന് ഷോക്കേറ്റ് 6 വയസുകാരന് ദാരുണാന്ത്യം

ഹൈദരാബാദ്: ഇലക്ട്രിക് പോസ്റ്റില്‍നിന്ന് ഷോക്കേറ്റ് 6 വയസുകാരന് ദാരുണാന്ത്യം. ഹൈദരാബാദില്‍ വീടിനടുത്ത് കൂട്ടുകാര്‍ക്കൊപ്പം കളിച്ചുകൊണ്ടിരുന്ന കുട്ടി അബദ്ധത്തില്‍ പോസ്റ്റില്‍ പിടിച്ചതോടെ ഷോക്കേല്‍ക്കുകയായിരുന്നു. വൈദ്യുതി വിളക്കുകാലിന് ചുവട്ടിലുള്ള കുഴിയില്‍ വീണ പന്തെടുക്കാനുള്ള ശ്രമത്തിനിടയിലാണ് കുട്ടിയ്ക്ക് ഷോക്കേറ്റത്. വിളക്കുകാലുമായി മണ്ണിനടിയിലൂടെ ബന്ധിപ്പിച്ച വയറില്‍നിന്നാണ് ഷോക്കേറ്റതെന്നാണ് പ്രാഥമിക നിഗമനം. സംഭവത്തില്‍ പോലിസ് കേസെടുത്ത് അന്വേഷണം ആരംഭിച്ചു.