കൊല്‍ക്കത്തയില്‍ ശക്തമായ ഭൂചലനം; കെട്ടിടങ്ങളില്‍നിന്ന് ഇറങ്ങിയോടി ആളുകള്‍

കൊല്‍ക്കത്ത: കൊല്‍ക്കത്തയിലും നഗരത്തിന്റെ സമീപപ്രദേശങ്ങളിലും ഭൂചലനം അനുഭവപ്പെട്ടതായി റിപ്പോര്‍ട്ട്. വെള്ളിയാഴ്ച ഉച്ചയോടെയാണ് സംഭവം. ഭൂചലനം അനുഭവപ്പെട്ടതിന് പിന്നാലെ നഗരത്തിലെ കെട്ടിടങ്ങളില്‍നിന്ന് താമസക്കാരും ഓഫിസുകളില്‍നിന്ന് ജീവനക്കാരും പുറത്തേക്കിറങ്ങിയോടി. ഏതാനും സെക്കന്‍ഡുകള്‍ ഭൂചലനം നീണ്ടുനിന്നതായാണ് പ്രാഥമികവിവരം. അതേസമയം, ഭൂചലനത്തിന്റെ തീവ്രതയോ പ്രഭവകേന്ദ്രമോ വ്യക്തമായിട്ടില്ല.

നഗരത്തിലെ പല ഓഫിസ് കെട്ടിടങ്ങളിലും ഫര്‍ണിച്ചറുകളടക്കം ആടിയുലഞ്ഞതായാണ് റിപ്പോര്‍ട്ടുകളില്‍ പറയുന്നത്. ഭൂമികുലുക്കം അനുഭവപ്പെട്ടതിന് പിന്നാലെ ആളുകള്‍ പരിഭ്രാന്തരായെന്നും ഓഫിസ് കെട്ടിടങ്ങളില്‍നിന്നും മറ്റും ആളുകളെ ഉടന്‍തന്നെ ഒഴിപ്പിച്ചെന്നും റിപ്പോര്‍ട്ടുകളിലുണ്ട്.