ഹിന്ദുത്വ ആക്രമണത്തിനെതിരേ മധ്യപ്രദേശില്‍ എസ്ഡിപിഐ പ്രകടനം

ഭോപ്പാല്‍: മധ്യപ്രദേശിലെ ഹിന്ദുത്വ ആള്‍ക്കൂട്ട ആക്രമണങ്ങള്‍ക്കെതിരേ എസ്ഡിപിഐ പ്രകടനം നടത്തി. ബീഫ് കൈവശം വച്ചെന്ന് ആരോപിച്ച് കഴിഞ്ഞ ദിവസം മധ്യപ്രദേശിലെ സിയോനി ജില്ലയില്‍ സ്ത്രീയടക്കം മുസ്‌ലിം യുവാക്കളെ ആര്‍എസ്എസ്-ബജ്‌റംഗദള്‍ സംഘം തെരുവില്‍ ആക്രമിച്ചിരുന്നു.

സംഭവത്തില്‍ ഇരകള്‍ക്ക് ന്യായമായ നഷ്ട പരിഹാരം നല്‍കണമെന്നും കുറ്റക്കാര്‍ക്കെതിരെ കര്‍ശനമായ നിയമ നടപടികള്‍ എടുക്കണമെന്നും ആവശ്യപ്പെട്ടാണ് എസ്ഡിപിഐ മധ്യപ്രദേശ് തലസ്ഥാനമായ ഭോപ്പാലില്‍ പ്രകടനം നടത്തിയത്.

പ്രകടനത്തിന് എസ്ഡിപിഐ ദേശീയ വര്‍ക്കിങ്ങ് കമിറ്റി അംഗം അഡ്വ. സാജിദ് സിദ്ദിഖി, സംസ്ഥാന പ്രസിഡന്റ് ഇര്‍ഫാനുള്ള ഹഖ്, സംസ്ഥാന സെക്രട്ടറി റൗഫ് ബെലീം, ഭോപ്പാല്‍ ജില്ലാ പ്രസിഡന്റ് ബാദ്ഷാ ഖാന്‍, ഡോ: മുംതാസ് ഖുറേഷി, ഹാഫീസ് ഖുലാം റസൂല്‍ തുടങ്ങിയവര്‍ നേതൃത്യം നല്‍കി.