ബാലക്കോട്ട് ആക്രമണം രാഷ്ട്രീയമായി ഉപയോഗിക്കാന്‍ ആര്‍ക്കും അര്‍ഹതയില്ലെന്നു നിതിന്‍ ഗഡ്കരി

ന്യൂഡല്‍ഹി: ഇന്ത്യന്‍ വ്യോമസേന ബാലക്കോട്ടില്‍ നടത്തിയ ആക്രമണം രാഷ്ട്രീയമായി ഉപയോഗിക്കാന്‍ ആര്‍ക്കും അര്‍ഹതയില്ലെന്നും ആക്രമണത്തെ തിരഞ്ഞെടുപ്പുമായി കൂട്ടിക്കെട്ടരുതെന്നും കേന്ദ്രമന്ത്രി നിതിന്‍ ഗഡ്കരി. ബാലക്കോട്ട് ആക്രമണം രാജ്യസുരക്ഷയുമായി ബന്ധപ്പെട്ട വിഷയമാണ്. അതിനെ രാഷ്ട്രീയമായി ഉപയോഗിക്കരുത്. ഇത് തിരഞ്ഞെടുപ്പ് പ്രചരണത്തിനുപയോഗിക്കരുത്. ആക്രമണത്തിന്റെ നേട്ടം അവകാശപ്പെടാന്‍ ആര്‍ക്കും അധികാരമില്ലെന്നും നിതിന്‍ ഗഡ്കരി പറഞ്ഞു.