നാഗ്പൂര് സ്കൂളില് മുസ് ലിം പെണ്കുട്ടികളെ പ്രവേശിപ്പിക്കരുതെന്ന് മാനേജ്മെന്റ്; പോലിസില് പരാതി നല്കി പ്രിന്സിപ്പല്; കേസ്സെടുത്തു
മുംബൈ: മുസ് ലിം പെണ്കുട്ടികള്ക്ക് പ്രവേശനം നിഷേധിച്ച സ്കൂള് മാനേജ്മെന്റ് നടപടിക്കെതിരേ പോലിസില് പരാതി നല്കി പ്രിന്സിപ്പല്.നാഗ്പൂരിലെ ജരിപത്കയിലെ ദയാനന്ദ് ആര്യ കന്യാ വിദ്യാലയത്തിലെ സെക്രട്ടറിയും അധ്യാപകനും ഉള്പ്പെട്ട മാനേജ്മെന്റാണ്് മുസ് ലിം പെണ്കുട്ടികള്ക്ക് പ്രവേശനം നിഷേധിച്ചത്. പ്രിന്സിപ്പലിന്റെ പരാതിയെ തുടര്ന്ന് സെക്രട്ടറിക്കും അധ്യാപകനുമെതിരേ പോലിസ് കേസ്സെടുത്തു.
മഹാരാഷ്ട്രാ സംസ്ഥാന ന്യൂനപക്ഷ കമ്മീഷന്റെ ഇടപെടലിനെ തുടര്ന്നാണ് നടപടി. മുസ് ലിം ആയതിന്റെ പേരില് മകള്ക്ക് പ്രവേശനം നിഷേധിച്ചതായി മാതാപിതാക്കള് കമ്മീഷന്് പരാതിയും നല്കിയിരുന്നു. സ്കൂള് പ്രിന്സിപ്പല് ഗീത ഹര്വാനിയാണ് ആദ്യം പരാതി നല്കിയത്. 2025-26 അധ്യയന വര്ഷത്തേക്ക് ന്യൂനപക്ഷ സമുദായങ്ങളില് നിന്നുള്ള പെണ്കുട്ടികള്ക്ക് പ്രവേശനം നിഷേധിക്കാന് ലാല്വാനി അധ്യാപകര്ക്ക് മാനേജ്മെന്റ് നിര്ദ്ദേശം നല്കുകയായിരുന്നു. തുടര്ന്നാണ് അധ്യാപകര് ന്യൂനപക്ഷ വിദ്യാര്ഥികള്ക്ക് പ്രവേശനം നിഷേധിച്ചത്.
വിദ്യാഭ്യാസ സ്ഥാപനങ്ങളില്, പ്രത്യേകിച്ച് ന്യൂനപക്ഷ പദവി ലഭിച്ച സ്ഥാപനങ്ങളില്, ഒരു തരത്തിലുള്ള വിവേചനവും അനുവദിക്കില്ലെന്ന് ന്യൂനപക്ഷ കമ്മീഷന് ചെയര്മാന് പ്യാരെ ഖാന് വ്യക്തമാക്കി. 'വിദ്യാഭ്യാസം എല്ലാവര്ക്കും വേണ്ടിയുള്ളതാണ്, സ്കൂളുകള് ഏതെങ്കിലും തരത്തിലുള്ള പക്ഷപാതത്തില് നിന്നോ മുന്വിധികളില് നിന്നോ മുക്തമായിരിക്കണമെന്നും അദ്ദേഹം കൂട്ടിച്ചേര്ത്തു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
