മുസ്ലിം പള്ളി അമുസ്ലിംകള്ക്കായി തുറന്നുകൊടുത്തു
ഇസ്ലാമിനെ കുറിച്ചും മുസ്ലിംകളെ കുറിച്ചുമുള്ള എല്ലാ സംശയങ്ങളും ദുരീകരിക്കാന് അമുസ്ലികംള്ക്കായി പള്ളി തുറന്നുകൊടുക്കുകയായിരുന്നു പള്ളി കമ്മിറ്റി.

അഹ്മദാബാദ്: ഇസ്ലാമിനെ കുറിച്ചുള്ള തെറ്റിദ്ധാരണകളുടെ സത്യാവസ്ഥ മനസ്സിലാക്കാന് അമുസ്ലിംകള്ക്കു അവസരമൊരുക്കി അഹ്മാദാബാദിലെ റഹ്മത്ത് നഗറിലെ പള്ളി കമ്മിറ്റി. ഉമര്ബിന് ഖത്താബ് പള്ളി അധികൃതരാണ് ഇസ്ലാമിനെ കുറച്ചു പഠിപ്പിക്കാന് വേറിട്ട വഴിയൊരുക്കിയത്. ഇസ്ലാമിനെ കുറിച്ചും മുസ്ലിംകളെ കുറിച്ചുമുള്ള എല്ലാ സംശയങ്ങളും ദുരീകരിക്കാന് അമുസ്ലികംള്ക്കായി പള്ളി തുറന്നുകൊടുക്കുകയായിരുന്നു പള്ളി കമ്മിറ്റി. ഞായറാഴ്ച ഈ പള്ളിയിലെത്തിയ എല്ലാ വിഭാഗം ആളുകള്ക്കും പള്ളി സന്ദര്ശിക്കാനും ഇമാം മൗനുദ്ദീന് ഇബ്നു നസ്റുല്ലയുമായി സംസാരിച്ചു സംശയ ദുരീകരണം നടത്താനുമാണ് അധികൃതര് അവസരമൊരുക്കിയത്. സമൂഹത്തില് സ്നേഹവും സൗഹാര്ദവും ഊട്ടിയുറപ്പിക്കാനും മതസൗഹാര്ദം വളര്ത്താനുമാണ് ഇത്തരമൊരു ഉദ്യമം കൊണ്ടുദ്ദേശിക്കുന്നതെന്നു പള്ളി കമ്മിറ്റി അധികൃതര് പറഞ്ഞു. മുസ്ലിംപള്ളിയില് അമുസ്ലിംകള് പ്രവേശിക്കരുതെന്നു ചില മുസ്ലിംകള് വരെ വിശ്വസിക്കുന്നു. എന്നാല് പ്രവാചകന് മുഹമ്മദിന്റെ മാതൃക ഇതല്ല. ജൂതന്മാരെയും ക്രിസ്ത്യാനികളെയും പ്രവാചകന് പള്ളിയില് പ്രവേശിപ്പിച്ചിരുന്നു. ഈ മാതൃകയാണ് തങ്ങളും പിന്പറ്റുന്നത്. ഒരൊറ്റ ദിവസം തന്നെ 150ഓളം അമുസ്ലിംകള് പള്ളി സന്ദര്ശിച്ചു. വുളു(അംഗശുദ്ധി വരുത്തല്), നമസ്കാരം തുടങ്ങിയവ നേരില് കണ്ട അവര് ഇമാമുമായി ദീര്ഘ നേരം സംസാരിക്കുകയും ചെയ്തു. തങ്ങളുടെ ഉദ്യമത്തിനു ലഭിച്ച സ്വീകാര്യതയാണ് ഇതു തെളിയിക്കുന്നതെന്നും പള്ളി കമ്മിറ്റി അധികൃതര് പറഞ്ഞു. അല്ലാഹു, ഇസ്ലാം, ഖുര്ആന്, ഇസ്ലാമിക് ബാങ്കിങ്, വര്ഗീയത തുടങ്ങി നിരവധി വിഭാഗങ്ങളില് പഠന ക്ലാസുകളും പള്ളിയില് സംഘടിപ്പിച്ചിരുന്നു
RELATED STORIES
ഇന്ത്യയുടെ വിദേശ നയത്തെ അഭിനന്ദിച്ച് പാകിസ്താന് മുന് പ്രധാനമന്ത്രി...
22 May 2022 4:19 AM GMTദലിത് സ്ത്രീ ഉണ്ടാക്കിയ ഭക്ഷണം കഴിക്കില്ലെന്ന് വീണ്ടും...
22 May 2022 3:43 AM GMTഡോക്ടര് ചമഞ്ഞ് 10 ദിവസം രോഗിയെ ചികില്സിച്ചു; തിരുവനന്തപുരം...
22 May 2022 3:32 AM GMTസംസ്ഥാനത്ത് പുതുക്കിയ ഇന്ധനവില നിലവില് വന്നു
22 May 2022 3:24 AM GMTനടിയെ ആക്രമിച്ച കേസ്: കാവ്യ പ്രതിയാകില്ല; കേസിലെ തുടരന്വേഷണം...
22 May 2022 2:54 AM GMT1500 കോടിയുടെ വന് ഹെറോയിന് വേട്ട; ബോട്ടുടമ ക്രിസ്പിന് മുഖ്യപ്രതി, ...
22 May 2022 2:23 AM GMT