രാജസ്ഥാനില്‍ പരിശീലനത്തിനിടെ മിഗ് 27 വിമാനം തകര്‍ന്നു വീണു

ജോധ്പൂര്‍: രാജസ്ഥാനിലെ സിറോഹി നഗരത്തിനു സമീപം പരിശീലന പറക്കിലിനിടെ വ്യോമസേനയുടെ മിഗ് 27 വിമാനം തകര്‍ന്നു വീണു. അപകടത്തില്‍ പൈലറ്റ് പരിക്കേല്‍ക്കാതെ രക്ഷപ്പെട്ടതായി സൈനിക വൃത്തങ്ങള്‍ അറിയിച്ചു. സംഭവത്തില്‍ അന്വേഷണത്തിനു ഉത്തരവിട്ടുണ്ട്. രാജസ്ഥാനിലെ ബിക്കാനീറില്‍ ഇക്കഴിഞ്ഞ എട്ടിനു മിഗ് 21 വിമാനം തകര്‍ന്നു വീണിരുന്നു. ദിനേനയുള്ള പരിശീലന പറക്കലിനിടെയായിരുന്നു അപകടം. ഹിമാചല്‍ പ്രദേശിലെ കങ്ഗ്ര ജില്ലയില്‍ കഴിഞ്ഞ വര്‍ഷം ജൂലൈയില്‍ മിഗ് 21 വിമാനം തകര്‍ന്നുണ്ടായ അപകടത്തില്‍ പൈലറ്റ് മരിച്ചിരുന്നു.