സ്കോട്ട്ലന്ഡിലെ കെയര് ഹോമില് സഹപ്രവര്ത്തകയെ ബലാല്സംഗം ചെയ്ത മലയാളി നഴ്സിന് ഏഴു വര്ഷം തടവ്
നോര്ത്ത് ലനാര്ക്ക്ഷയര്: സ്കോട്ട്ലന്ഡിലെ കെയര് ഹോമില് സഹപ്രവര്ത്തകയെ ബലാല്സംഗം ചെയ്യുകയും മറ്റു രണ്ടു സ്ത്രീകളെ ലൈംഗികമായി അതിക്രമിക്കുകയും ചെയ്ത കേസില് മലയാളിയായ നഴ്സിന് ഏഴുവര്ഷവും ഒന്പത് മാസവും തടവുശിക്ഷ. നോര്ത്ത് ലനാര്ക്ക്ഷയറില് കെയര് ഹോം മാനേജരായിരുന്ന നൈജില് പോളിനെയാണ് ഗ്ലാസ്ഗോ ഹൈക്കോടതി ശിക്ഷിച്ചത്. ഏഴുവര്ഷം മുന്പാണ് കുറ്റകൃത്യം നടന്നത്. 2018-ല് കേസെടുത്തെങ്കിലും 2019-ല് വിചാരണയ്ക്ക് തൊട്ടുമുന്പ് പിതാവിന് അസുഖമാണെന്ന് വിശദമാക്കി നൈജില് പോള് കൊച്ചിയിലേക്ക് കടന്നിരുന്നു. ഈ വര്ഷം ഫെബ്രുവരിയിലാണ് നൈജിലിനെ ഇന്റര് പോളിന്റെ സഹായത്തോടെ ദില്ലിയില് നിന്ന് പിടികൂടിയത്.
ലൈംഗിക ആരോപണ കേസില് കുറ്റക്കാരനെന്ന് കണ്ടെത്തിയതോടെയാണ് 47കാരന് തടവ് ശിക്ഷയ്ക്ക് വിധിച്ചത്. പീഡനത്തിനിരയായവരെ കുറ്റപ്പെടുത്തിയായിരുന്നു നൈജില് കോടതിയില് പെരുമാറിയത്. സ്ത്രീകള്ക്ക് സഹായം ചെയ്യുകയായിരുന്നുവെന്നാണ് ഇയാള് കോടതിയില് വാദിച്ചത്. ഒടുവില് മറ്റ് വഴികളില്ലാതെ വന്നതോടെ കുറ്റ സമ്മതം നടത്തുകയായിരുന്നു. അവധിയില് ആയിരുന്ന 25കാരിയായ സഹപ്രവര്ത്തക തിരിച്ച് ജോലിയില് പ്രവേശിച്ചതോടെയാണ് പീഡന വിവരം പുറത്ത് അറിയുന്നത്.
സാമ്പത്തിക ബുദ്ധിമുട്ട് മൂലമാണ് 25കാരി തിരിച്ച് അതേ സ്ഥലത്ത് ജോലിക്കെത്തിയതെന്ന് കോടതി നിരീക്ഷിച്ചു. ഇയാള് കുറ്റസമ്മതം നടത്തിയതിനാലാണ് കോടതി ശിക്ഷ കുറച്ചത്. ശിക്ഷാ കാലാവധി പൂര്ത്തിയാക്കിയ ശേഷം രണ്ട് വര്ഷം യുവാവിന്റെ പേര് ലൈംഗിക കുറ്റവാളികളുടെ പട്ടികയില് ഉള്പ്പെടുത്തണമെന്നും കോടതി വ്യക്തമാക്കി. ഇന്ത്യന് പൗരത്വം ഉപേക്ഷിച്ച് ബ്രിട്ടീഷ് പൗരത്വം സ്വീകരിച്ച വ്യക്തിയാണ് ഇയാള്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
