അഹമ്മദാബാദ് വിമാനത്തില്‍ മലയാളി നഴ്‌സും; അപകടം യു കെയിലേക്ക് ജോലിക്ക് പോകുമ്പോള്‍

അഹ്‌മദാബാദ്: അഹമ്മദാബാദില്‍ അപകടത്തില്‍പ്പെട്ട എയര്‍ ഇന്ത്യ വിമാനത്തില്‍ മലയാളിയും. കോഴഞ്ചേരി പുല്ലാട് കുറുങ്ങുഴ സ്വദേശിനി രഞ്ജിത ആര്‍ നായര്‍ (40) മരിച്ചതായി സ്ഥിരീകരിച്ചു. ഒമാനില്‍ നഴ്‌സായിരുന്ന രഞ്ജിത, യുകെയില്‍ ജോലിക്കായി യാത്രതിരിച്ചതാണ്. കൊച്ചിയില്‍ നിന്നാണ് അഹമ്മദാബാദിലേക്ക് അവര്‍ പോയത്.

അഹമ്മദാബാദില്‍ നിന്ന് ലണ്ടന്‍ ഗാറ്റ്വിക്ക് ലക്ഷ്യമാക്കി 1.17ന് ടേക്ക് ഓഫ് ചെയ്ത എയര്‍ ഇന്ത്യ 171 ഡ്രീംലൈനര്‍ വിമാനമാണ് തകര്‍ന്നു വീണത്. പാര്‍പ്പിടമേഖലയില്‍, ഒരു ആശുപത്രിക്കു മുകളിലാണ് വിമാനം തകര്‍ന്നു വീണത്. അപകടത്തില്‍ കെട്ടിടങ്ങള്‍ക്ക് വ്യാപക നാശനഷ്ടങ്ങള്‍ സംഭവിച്ചു. ആകെ 230 യാത്രക്കാരും 12 ജീവനക്കാരും വിമാനത്തില്‍ ഉണ്ടായിരുന്നു. ഇവര്‍ എല്ലാവരും മരിച്ചെന്നാണ് ഒടുവിലെത്തെ റിപോര്‍ട്ട്. പുറത്തുവന്നിട്ടുണ്ട്. 800 അടി മാത്രമാണ് വിമാനം ഉയര്‍ന്നത്. വിമാനത്തില്‍ നിന്ന് എടിസിക്ക് അപായസന്ദേശം ലഭിച്ചിരുന്നു.