ലോക്‌സഭാ സ്പീക്കര്‍ ഓം ബിര്‍ളയ്ക്ക് കൊവിഡ്

ന്യൂഡല്‍ഹി: ലോക്‌സഭാ സ്പീക്കര്‍ ഓം ബിര്‍ളയ്ക്ക് (58) കൊവിഡ് സ്ഥിരീകരിച്ചു. അദ്ദേഹത്തെ ഡല്‍ഹി എയിംസ് കൊവിഡ് സെന്ററില്‍ പ്രവേശിപ്പിച്ചു. അദ്ദേഹത്തിന്റ ആരോഗ്യനില തൃപ്തികരമാണെന്ന് ഡോക്ടര്‍മാര്‍ അറിയിച്ചു.

അദ്ദേഹത്തിന്റെ എല്ലാ പാരാമീറ്ററുകളും സാധാരണനിലയിലാണ്- ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സസ് പ്രസ്താവനയില്‍ പറഞ്ഞു. മാര്‍ച്ച് 19 നാണ് ബിര്‍ളയ്ക്ക് പരിശോധനയില്‍ കൊവിഡ് സ്ഥിരീകരിച്ചത്. അടുത്ത ദിവസം നിരീക്ഷണത്തിനായി അദ്ദേഹത്തെ എയിംസ് കൊവിഡ് സെന്ററില്‍ പ്രവേശിപ്പിക്കുകയായിരുന്നു.