ഞാൻ മിണ്ടാതിരിക്കില്ല; ബിജെപിയുടെ വധഭീഷണിക്ക് പിന്നാലെ നടൻ സിദ്ധാർത്ഥ്

ചെന്നൈ: ബിജെപി നേതാക്കൾക്കെതിരേ കടുത്ത ആരോപണവുമായി നടൻ സിദ്ധാർത്ഥ് രംഗത്ത്. തമിഴ്നാട് ബിജെപി നേതാക്കൾക്കെതിരെയാണ് ആരോപണം. തന്റെ ഫോൺ ബിജെപി നേതാക്കൾ ചോർത്തിയെന്നും, കുടുംബത്തിനടക്കം വധഭീഷണിയുണ്ടെന്നും സിദ്ധാർത്ഥ് പറയുന്നു. ട്വീറ്റിലൂടെയാണ് നടൻ ഇക്കാര്യം അറിയിച്ചത്.

തമിഴ്നാട് ബിജെപിയും ബിജെപി ഐടി സെല്ലും ചേർന്ന് എന്റെ ഫോൺ നമ്പർ ചോർത്തി. 24 മണിക്കൂറിലധികമായി അഞ്ഞൂറിലധികം ഫോൺകോളുകളാണ് വന്നുകൊണ്ടിരിക്കുന്നത്. വധ ഭീഷണിയും ബലാൽസം​ഗ ഭീഷണിയും മുഴക്കിയാണ് ഫോൺകോളുകൾ വരുന്നത്. എല്ലാ കോളുകളും റെക്കോേർഡ് ചെയ്തിട്ടുണ്ട്. എല്ലാം പോലിസിന് കൈമാറുന്നു. ഞാൻ മിണ്ടാതിരിക്കില്ല, അത് തുടരുക തന്നെ ചെയ്യും. എന്ന് സിദ്ധാർത്ഥ് ട്വിറ്ററിൽ കുറിച്ചു.

My phone number was leaked by members of TN BJP and @BJPtnITcell
Over 500 calls of abuse, rape and death threats to me & family for over 24 hrs. All numbers recorded (with BJP links and DPs) and handing over to Police.

I will not shut up. Keep trying.@narendramodi @AmitShah

— Siddharth (@Actor_Siddharth) April 29, 2021

നരേന്ദ്ര മോദിയേയും അമിത് ഷായേയും ടാ​ഗ് ചെയ്താണ് സിദ്ധാർത്ഥ് ട്വീറ്റ് ചെയ്തിരിക്കുന്നത്. കൊവിഡ് വിഷയത്തിൽ സിദ്ധാർത്ഥ് നേരത്തേ രൂക്ഷവിമർശനം നടത്തിയിരുന്നു. ഇതിന് പിന്നാലെയാണ് ബിജെപി ഐടി സെൽ സിദ്ധാർത്ഥിന്റെ ഫോൺ നമ്പർ ചോർത്തിയതായി ആരോപണമുയരുന്നത്.