മുംബൈയില്‍ അപ്പാര്‍ട്ട്‌മെന്റിന്റെ 10ാം നിലയില്‍ വന്‍ തീപ്പിടിത്തം

മുംബൈ: മുംബൈയിലെ കഞ്ജൂര്‍മാര്‍ഗിലെ എന്‍ജി റോയല്‍ പാര്‍ക്ക് അപ്പാര്‍ട്ട്‌മെന്റില്‍ വന്‍ തീപ്പിടിത്തം. കെട്ടിടത്തിന്റെ 10ാം നിലയിലാണ് തീപ്പിടിത്തമുണ്ടായത്. എട്ടോളം ഫയര്‍ എന്‍ജിനുകള്‍ സ്ഥലത്തെത്തി തീയണയ്ക്കാനുള്ള ശ്രമങ്ങള്‍ തുടരുകയാണ്. പരിക്കുകളൊന്നും ഇതുവരെ റിപോര്‍ട്ട് ചെയ്തിട്ടില്ല. തീപ്പിടിത്തത്തിന് പിന്നിലെ കാരണം ഇതുവരെ കണ്ടെത്താനായിട്ടില്ലെന്ന് അധികൃതര്‍ അറിയിച്ചു.