പെണ്‍ സുഹൃത്തിന്റെ ബര്‍ത്ത് ഡേ പാര്‍ട്ടിയില്‍ പങ്കെടുത്ത ദലിത് യുവാക്കള്‍ക്കു മര്‍ദ്ദനം

ജയ്പൂര്‍: രാജസ്ഥാനിലെ ബുണ്ടിയില്‍ പെണ്‍ സുഹൃത്തിന്റെ ബര്‍ത്ത് ഡേ പാര്‍ട്ടിയില്‍ പങ്കെടുത്ത ദലിത് യുവാക്കള്‍ക്കു ക്രൂരമര്‍ദ്ദനം. ഒരുസംഘം ഗ്രാമവാസികളെത്തി മര്‍ദ്ദിക്കുകയും വസ്ത്രങ്ങള്‍ ഉരിയുകയും ചെയ്തതായി ബുണ്ടി പോലിസ് അസി. സൂപ്രണ്ട് സത്‌നാം സിങ് പറഞ്ഞു. സംഭവത്തില്‍ ശിശുപാല്‍, സൂരജ്മാല്‍ തുടങ്ങിയവര്‍ക്കെതിരേ കേസെടുക്കുകയും ചെയ്തു. കഴിഞ്ഞ ആഴ്ച മഹാരാഷ്ട്രയില്‍ ദാഹജലം തേടി ക്ഷേത്രത്തില്‍ കയറിയ എട്ടുവയസ്സുകാരനായ ദലിത് യുവാവിനെ മോഷണക്കുറ്റം ആരോപിച്ച് സവര്‍ണര്‍ ചുടുകട്ടയിലിരുത്തി പൊള്ളിച്ചിരുന്നു.