ഫുട്പാത്തിലേക്ക് കാര്‍ പാഞ്ഞുകയറി; മൂന്നുകുട്ടികളടക്കം നാലുമരണം

പട്‌ന: ബിഹാറിലെ അഗം കുവാന്‍ മേഖലയില്‍ ഫുട്പാത്തിലേക്ക് എസ്‌യുവി കാര്‍ ഇടിച്ചുകയറി നാലുപേര്‍ മരിച്ചു. മരണപ്പെട്ടവരില്‍ മൂന്നുപേര്‍ കുട്ടികളാണ്. ഒരു കുട്ടിക്ക് പരിക്കേറ്റിട്ടുണ്ട്. കാറിലുണ്ടായിരുന്ന ഒരാളും മരിച്ചിട്ടുണ്ടെന്ന് ദേശീയ വാര്‍ത്താ ഏജന്‍സിയായ എഎന്‍ഐ റിപോര്‍ട്ട് ചെയ്തു.

ഫുട്പാത്തില്‍ ഉറങ്ങിക്കിടന്ന കുട്ടികള്‍ക്കിടയിലേക്ക് കാര്‍ പാഞ്ഞുകയറുകയായിരുന്നു. സംഭവത്തെത്തുടര്‍ന്ന് നാട്ടുകാര്‍ റോഡ് ഉപരോധിച്ച് പ്രതിഷേധിച്ചു. പോലിസെത്തിയാണ് രംഗം ശാന്തമാക്കിയത്. അപകടത്തെക്കുറിച്ച് അന്വേഷണം പുരോഗമിക്കുകയാണെന്ന് പോലിസ് അറിയിച്ചു.