ഡല്ഹിയില് സൈനിക ഉദ്യോഗസ്ഥന് തൂങ്ങിമരിച്ച നിലയില്
അസം സ്വദേശിയായ ജെ സി ബറുവ (51)യാണ് മരിച്ചത്. കശ്മീരില് ഇന്ത്യന് സേനയില് സുബേദാര് മേജറായി സേവനം അനുഷ്ടിച്ചുവരികയായിരുന്നു.
ന്യൂഡല്ഹി: ദക്ഷിണ ഡല്ഹിയില് സൈനിക ഉദ്യോഗസ്ഥനെ മുറിയിലെ ഫാനില് തൂങ്ങിമരിച്ച നിലയില് കണ്ടെത്തി. അസം സ്വദേശിയായ ജെ സി ബറുവ (51)യാണ് മരിച്ചത്. കശ്മീരില് ഇന്ത്യന് സേനയില് സുബേദാര് മേജറായി സേവനം അനുഷ്ടിച്ചുവരികയായിരുന്നു. തന്റെ മരണത്തിന് ആരും ഉത്തരവാദിയല്ലെന്ന് വ്യക്തമാക്കുന്ന ആത്മഹത്യാക്കുറിപ്പ് മുറിയില്നിന്ന് പോലിസ് കണ്ടെടുത്തിട്ടുണ്ട്. തിങ്കളാഴ്ച വൈകീട്ടാണ് മുറിയില് ഒരാള് ആത്മഹത്യചെയ്തതായി പോലിസിന് വിവരം ലഭിക്കുന്നത്.
പോലിസ് സ്ഥലത്തെത്തിയപ്പോള് ബറുവ മുറിയിലെ ഫാനില് തൂങ്ങിനില്ക്കുന്നതാണ് കണ്ടത്. മുണ്ടുപയോഗിച്ച് കഴുത്തില് കുരുക്കിട്ട് ഫാനില് തൂങ്ങുകയായിരുന്നു. ആത്മഹത്യയുടെ കാരണമെന്തെന്ന് വ്യക്തമായിട്ടില്ല. ആത്മഹത്യാക്കുറിപ്പ് ബറുവ തന്നെയാണോ എഴുതിയതെന്ന് തിരിച്ചറിയുന്നതിന് കൈയക്ഷരവിദഗ്ധരുടെ സഹായം തേടുമെന്ന് ഡെപ്യൂട്ടി പോലിസ് കമ്മീഷണര് ദേവേന്ദ്ര ആര്യ അറിയിച്ചു. മരണവുമായി ബന്ധപ്പെട്ട് മറ്റ് നിയമപരമായ നടപടികള് സ്വീകരിച്ചുവരുന്നതായും പോലിസ് വ്യക്തമാക്കി.
RELATED STORIES
'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMTആവേശം കൊട്ടിക്കയറി; ഇനി നിശബ്ദ പ്രചാരണം
24 April 2024 12:28 PM GMTഐസിയു പീഡനക്കേസിലെ അതിജീവിത സമരം താത്കാലികമായി അവസാനിപ്പിച്ചു
24 April 2024 11:57 AM GMTലോക്സഭ തിരഞ്ഞെടുപ്പ് രണ്ടാംഘട്ടത്തിന് മൂന്ന് ദിവസം മാത്രം ശേഷിക്കെ...
24 April 2024 11:56 AM GMTപ്രധാനമന്ത്രി മുസ്ലിംകള്ക്കെതിരെ വിദ്വേഷ പ്രചാരണം നടത്തുന്നു;...
24 April 2024 11:54 AM GMT'ആകാശത്തിലെ രാജ്ഞിക്ക്' വിട; എയർ ഇന്ത്യയുടെ അഭിമാനമായിരുന്ന ജംബോ...
24 April 2024 11:49 AM GMT