ഡല്‍ഹിയില്‍ യമുനാ എക്‌സ്പ്രസ് പാതയില്‍ അപകടം: എട്ട് മരണം

ന്യൂഡല്‍ഹി: ഡല്‍ഹിയിലെ യമുനാ എക്‌സ്പ്രസ് പാതയില്‍ ബസ്സും ട്രക്കും കൂട്ടിയിടിച്ച് എട്ടുപേര്‍ മരിച്ചു. 30ഓളം പേര്‍ക്ക് പരിക്കേറ്റു. ഇന്ന് പുലര്‍ച്ചെയോടെയാണ് അപകടം നടന്നത്. എങ്ങനെയാണ് അപകടമുണ്ടായതെന്ന കാര്യത്തില്‍ അവ്യക്തത തുടരുകയാണ്. കൂട്ടിയിടിയില്‍ ബസ്സിന്റെ പകുതി ഭാഗവും തകര്‍ന്നിരുന്നു. ആഗ്രയില്‍ നിന്ന് വരികയായിരുന്ന ബസ് നിയന്ത്രണം വിട്ട് എതിര്‍ദിശയില്‍ വരുന്ന ട്രക്കില്‍ ഇടിക്കുകയായിരുന്നു. പരിക്കേറ്റവരെ സമീപത്തുള്ള ആശുപത്രിയില്‍ പ്രവേശിപ്പിച്ചു.