തൃശൂർ ജില്ലയിൽ 1011 പേർക്ക് കൂടി കൊവിഡ്; 483 പേർ രോഗമുക്തരായി

തൃശൂർ: തൃശൂർ ജില്ലയിൽ ഞായറാഴ്ച 1011 പേർക്ക് കൂടി കൊവിഡ് സ്ഥീരികരിച്ചു. 483 പേർ രോഗമുക്തരായി. ജില്ലയിൽ രോഗബാധിതരായി ചികിൽസയിൽ കഴിയുന്നവരുടെ എണ്ണം 10292 ആണ്. തൃശൂർ സ്വദേശികളായ 107 പേർ മറ്റു ജില്ലകളിൽ ചികിൽസയിൽ കഴിയുന്നു.

ജില്ലയിൽ സമ്പർക്കം വഴി 1010 പേർക്കാണ് രോഗം സ്ഥീരികരിച്ചത്. ഇതിൽ 9 പേരുടെ ഉറവിടം അറിയില്ല. അഞ്ച് സമ്പർക്ക ക്ലസ്റ്ററുകൾ വഴി രോഗബാധയുണ്ടായി. ജില്ലയിൽ ഇതുവരെ കൊവിഡ് സ്ഥീരികരിച്ചവരുടെ എണ്ണം 34352 ആണ്. 23867 പേരെയാണ് ആകെ രോഗമുക്തരായി ആശുപത്രിയിൽ നിന്നും ഡിസ്ചാർജ് ചെയ്തത്.

ഞായറാഴ്ച 1096 പേർ പുതിയതായി ചികിൽസയിൽ പ്രവേശിച്ചതിൽ 305 പേർ ആശുപത്രിയിലും 791 പേർ വീടുകളിലുമാണ്. ഞായറാഴ്ച മൊത്തം 5019 സാംപിളുകളാണ് പരിശോധനയ്ക്ക് എടുത്തത്. ഇതിൽ 3414 പേർക്ക് ആന്റിജൻ പരിശോധനയും 1458 പേർക്ക് ആർടിപിസിആർ പരിശോധനയും, 147 പേർക്ക് ട്രുനാറ്റ് /സിബിനാറ്റ് പരിശോധനയുമാണ് നടത്തിയത്. ജില്ലയിൽ ഇതുവരെ ആകെ 2,63,154 സാംപിളുകളാണ് പരിശോധനയ്ക്ക് അയച്ചത്.