സി എം റസാഖ് ഹാജി നിര്യാതനായി

മലപ്പുറം: മംഗലം ഗ്രാമപ്പഞ്ചായത്ത് മുന്‍ പ്രസിഡന്റും, മംഗലം മുസ്‌ലിം റീലീഫ് കമ്മിറ്റി സ്ഥാപക നേതാവും സെക്രട്ടറിയുമായിരുന്ന സി എം റസാഖ് ഹാജി നിര്യാതനായി. ഖബറടക്കം ഇന്ന് രാവിലെ 11 ന് മംഗലം ജുമാഅത്ത് പള്ളി ഖബര്‍സ്ഥാനില്‍.

മംഗലം മഹല്ല് കമ്മിറ്റി, മംഗലം എംഇഎസ് കമ്മിറ്റി തുടങ്ങി നിരവധി കൂട്ടായ്മകളുടെ ഭാരവാഹിയായിരുന്നു. തിരൂര്‍ ഭൂപണയ ബാങ്ക് ഡയറക്ടര്‍, മംഗലം സര്‍വീസ് സഹകരണ ബാങ്ക് ഡയറക്ടറായും, പ്രസിഡന്റായും ദീര്‍ഘകാലം സേവനം ചെയ്തിട്ടുണ്ട്. തവന്നൂര്‍ മണ്ഡലം മുസ്‌ലിംലീഗ് വൈസ് പ്രസിഡന്റായിരുന്നു.

പരേതനായ രാമനാലുക്കല്‍ കുഞ്ഞാപ്പു ഹാജിയുടെ മകള്‍ മെഹറുന്നിസ ഹജ്ജുമ്മയാണ് ഭാര്യ. ഹസന്‍ അനീഷ് (കോണ്‍ട്രാക്ടര്‍, മംഗലം പഞ്ചായത്ത് മുസ്‌ലിം ലീഗ് ജോയിന്റ് സെക്രട്ടറി ), ഹസന്‍ അനൂപ് (ബിസിനസ്-ബാംഗ്‌ളൂര്‍)എന്നിവര്‍ മക്കളാണ്. ജനതാദള്‍ (എസ് ) സംസ്ഥാന ഖജാഞ്ചി ആര്‍ മുഹമ്മദ് ഷാ ഭാര്യാ സഹോദരനാണ്.