കോഴിക്കോട് ജില്ലയില്‍ 2514 പേര്‍ക്ക് കൊവിഡ്; ടിപിആര്‍ 18.83%

കോഴിക്കോട്: കോഴിക്കോട് ജില്ലയില്‍ 2514 കൊവിഡ് പോസിറ്റീവ് കേസുകള്‍ കൂടി റിപോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. 37 പേരുടെ ഉറവിടം വ്യക്തമല്ല. സമ്പര്‍ക്കം വഴി 2448 പേര്‍ക്കാണ് രോഗം ബാധിച്ചത്. വിദേശത്തുനിന്നും വന്ന 10 പേർക്കും ഇതര സംസ്ഥാനങ്ങളിൽ നിന്നും വന്ന 3 പേര്‍ക്കും ആരോഗ്യ പ്രവർത്തകരില്‍ 16 പേര്‍ക്കും രോഗം സ്ഥിരീകരിച്ചു.

13589 പേരെ പരിശോധനക്ക് വിധേയരാക്കി. ജില്ലയിലെ കൊവിഡ് ആശുപത്രികള്‍, എഫ്എല്‍ടിസികള്‍, വീടുകള്‍ എന്നിവിടങ്ങളില്‍ ചികിൽസയിലായിരുന്ന 1909 പേര്‍ കൂടി രോഗമുക്തി നേടി. 18.83 ശതമാനമാണ് ടെസ്റ്റ് പോസിറ്റിവിറ്റി നിരക്ക്.

രോഗം സ്ഥിരീകരിച്ച് 32179 കോഴിക്കോട് സ്വദേശികളാണ് ചികിൽസയിലുള്ളത്. പുതുതായി വന്ന 7532 പേർ ഉൾപ്പടെ 98188 പേർ ഇപ്പോൾ നിരീക്ഷണത്തിലുണ്ട് . ഇതുവരെ 937991 പേർ നിരീക്ഷണം പൂർത്തിയാക്കി.