Districts

ക്ഷേത്രത്തിലെ തിരുവാഭരണങ്ങൾ മോഷ്ടിച്ച കേസിൽ മുൻ ശാന്തി പിടിയിൽ

അടുത്ത ദിവസം തിരുവാഭരണങ്ങൾ റോഡിൽ ഉപേക്ഷിക്കപ്പെട്ട നിലയിൽ കണ്ടെത്തിയിരുന്നു.

ക്ഷേത്രത്തിലെ തിരുവാഭരണങ്ങൾ മോഷ്ടിച്ച കേസിൽ മുൻ ശാന്തി പിടിയിൽ
X

തൃശൂർ: മാള പുത്തൻചിറ മാണിയംകാവ് ക്ഷേത്രത്തിലെ തിരുവാഭരണങ്ങൾ മോഷ്ടിച്ച കേസിൽ മുൻ ശാന്തി പിടിയിലായി. പുത്തൻചിറ സ്വദേശി അജിത്ത് (20) ആണ് പിടിയിലായത്. മാണിയംകാവ് ഭഗവതി ക്ഷേത്രത്തിലെ തിരുവാഭരണങ്ങൾ ആയ മാല, കൈപ്പത്തി, ചന്ദ്രക്കല എന്നിവയാണ് കഴിഞ്ഞ ദിവസം രാത്രിയിൽ മോഷണം പോയത്.

മോഷണ വിവരം അറിഞ്ഞതിനെ തുടർന്ന് മാള പോലിസ് എത്തി അന്വേഷണം ആരംഭിച്ചു. വിരലടയാള വിദഗ്ധരും ഡോഗ് സ്ക്വാഡും സംഭവ സ്ഥലത്തെത്തി പരിശോധന നടത്തി. അടുത്ത ദിവസം തിരുവാഭരണങ്ങൾ റോഡിൽ ഉപേക്ഷിക്കപ്പെട്ട നിലയിൽ കണ്ടെത്തിയിരുന്നു.

തുടർന്നാണ് ഇന്ന് മുൻ ശാന്തിയെ പോലിസ് കസ്റ്റഡിയിലെടുത്തത്. മാള സബ്ബ് ഇൻസ്പെക്ടർ വി സജിൻ ശശിയുടെ നേതൃത്വത്തിലുള്ള പോലിസ് സംഘമാണ് അന്വേഷണം നടത്തിയത്. പ്രതിയെ ചാലക്കുടി ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കിയെന്ന് പോലിസ് അറിയിച്ചു.

Next Story

RELATED STORIES

Share it