കെടി ജലീലിന്റെ ബന്ധു നിയമനം: തുല്യ പങ്കാളിയായ മുഖ്യമന്ത്രിയും രാജി വയ്ക്കണമെന്ന് രമേശ് ചെന്നിത്തല
തിരുവനന്തപുരം: കെടി ജലീലിന്റെ ബന്ധുനിയമനക്കേസില് മുഖ്യമന്ത്രി പിണറായി വിജയനും തുല്യ പങ്കാളിത്തമുള്ളതിനാല് ധാര്മ്മികതയുടെ ലവലേശമെങ്കിലും അവശേഷിക്കുന്നുണ്ടെങ്കില് അദ്ദേഹവും രാജിവയ്ക്കുണമെന്ന് പ്രതിപക്ഷനേതാവ് രമേശ് ചെന്നിത്തല. ന്യൂനപക്ഷവികസന ധനകാര്യകോര്പറേഷന് ജനറല് മാനേജരായി കെടി ജലീലിന്റെ ഉറ്റബന്ധു കെടി അദീബിനെ നിയമിക്കുന്നതിന് വിദ്യാഭ്യാസ യോഗ്യതയില് ഇളവ് വരുത്തുന്നതിനുള്ള ഫയലില് മന്ത്രിസഭയെ മറികടന്ന് ഒപ്പിട്ടത് മുഖ്യന്ത്രി പിണറായി വിജയനാണെന്ന് രമേശ് ചെന്നിത്തല ഫേസ്ബുക്ക് പേജിലെ കുറിപ്പില് വ്യക്തമാക്കി.
മുഖ്യമന്ത്രിയെ കുരുക്കില് നിന്ന് രക്ഷപ്പെടുത്താന് എ.ജിയില്നിന്ന് നിയമോപദേശം എഴുതിവാങ്ങി, റിട്ടുമായി ഹൈക്കോടതിയില് പോകാനുള്ള സര്ക്കാരിന്റെ നീക്കം അപഹാസ്യമാണ്. ഒരുവശത്തു ധാര്മ്മികത പ്രസംഗിക്കുകയും മറുവശത്ത് കൂടി ധാര്മ്മികതയെ തകിടം മറിക്കാനുള്ള നീക്കം നടത്തുകയുമാണ് സര്ക്കാര് ചെയ്യുന്നത്. 2013 ല് യുഡിഎഫിന്റെ ഭരണകാലത്ത് ധനകാര്യവകുപ്പിന്റെ ഉപദേശ പ്രകാരം മന്ത്രിസഭയാണ് കോര്പറേഷനിലെ ഉദ്യോഗസ്ഥര്ക്കുള്ള യോഗ്യത നിശ്ചയിച്ചത്. അതില് മാറ്റം വരുത്തണമെങ്കില് മന്ത്രിസഭയില് തന്നെ വയ്ക്കണമെന്ന സാമൂഹ്യനീതി വകുപ്പ് സെക്രട്ടറിയുടെ നിര്ദ്ദേശം മറികടന്നാണ് ഫയല് കെടി ജലീല് മുഖ്യമന്ത്രിയുടെ മുന്നില് എത്തിച്ച് ഒപ്പിടുവിച്ചത്. യോഗ്യതയില് മാറ്റം വരുത്തുന്നത് എന്തു കൊണ്ടാണ്. മന്ത്രിസഭയില് വച്ചാല് ബന്ധുവിനെ നിയമിക്കാന് കഴിയില്ല എന്ന് കരുതിയിട്ടാണോ എന്നും കുറിപ്പില് ചോദിക്കുന്നു.
ഏതായാലും ഈ നിയമനകാര്യത്തില് കെടി ജലീലും മുഖ്യമന്ത്രിയും തമ്മില് ഗൂഢാലോചന നടന്നിട്ടുണ്ടന്ന് വ്യക്തമാണ്. മുഖ്യമന്ത്രിക്കും ഈ വഴിവിട്ട നിയമനത്തില് ഉത്തരവാദിത്തമുണ്ട്. അതിനാല് കെടി ജലീല് മാത്രം രാജിവച്ചതുകൊണ്ട് കാര്യമില്ല. കൂട്ടുപ്രതിയായ മുഖ്യമന്ത്രിയും രാജിവയ്ക്കണം. അല്ലാതെ മുഖ്യമന്ത്രിയെ രക്ഷിക്കാന് കാവല് മന്ത്രിസഭയുടെ മാത്രം പദവിയുള്ള ഈ സര്ക്കാര് പൊതുപണം ധൂര്ത്തടിച്ച് കോടതിയില് പോകുന്നത് ശരിയല്ല. ജനാധിപത്യബോധവും ധാര്മ്മികതയും അല്പമെങ്കിലും അവശേഷിച്ചിട്ടുണ്ടെങ്കില് മുഖ്യമന്ത്രിയും രാജി വയ്ക്കണമെന്ന് രമേശ് ചെന്നിത്തല ആവശ്യപ്പെട്ടു.
RELATED STORIES
പ്രണയം നിരസിച്ചതിന് അരുംകൊല; വിഷ്ണുപ്രിയ കൊലക്കേസിൽ ശ്യാംജിത്ത്...
10 May 2024 7:01 AM GMTഅധിക പലിശ വാഗ്ദാനം ചെയ്ത് തട്ടിപ്പ്; യുവതി അറസ്റ്റിൽ
10 May 2024 6:59 AM GMTഇറാന് പിടിച്ചെടുത്ത കപ്പലിലെ അഞ്ച് ഇന്ത്യന് നാവികരെ വിട്ടയച്ചു
10 May 2024 5:42 AM GMTകെജ് രിവാളിന്റെ ജാമ്യ ഹരജിയിൽ സുപ്രിംകോടതി വിധി ഇന്ന്
10 May 2024 5:23 AM GMTമുംബൈ-പൂനെ എക്സ്പ്രസ് വേയില് അപകടം; മൂന്ന് മരണം
10 May 2024 5:22 AM GMTഒരു കോടി രൂപയുടെ ഓണ്ലൈന് തട്ടിപ്പ്; മുഖ്യകണ്ണി കര്ണാടകയില്...
9 May 2024 4:30 PM GMT