ട്രെയ്ന്‍ തട്ടിക്കൊണ്ട് പോകുമെന്ന് ഭീഷണി മുഴക്കിയ യുവാവ് അറസ്റ്റില്‍

കോയമ്പത്തൂര്‍: സേലം-ചെന്നൈ ഏര്‍ക്കാട് ട്രെയ്ന്‍ തട്ടിക്കൊണ്ടുപോകുമെന്ന് ഭീഷണി മുഴക്കിയയാളെ റെയില്‍വേ പോലിസ് അറസ്റ്റ് ചെയ്തു. ധര്‍മപുരി അമ്മാസികോട്ടയില്‍ ശബരീശന്‍ (25) ആണ് അറസ്റ്റിലായത്. കഴിഞ്ഞദിവസം രാത്രി 10.43-ഓടെയാണ് സേലം റെയില്‍വേ പോലീസിന് ഫോണില്‍ ഭീഷണിസന്ദേശം ലഭിച്ചത്. ഉടന്‍തന്നെ ജോലാര്‍പേട്ട, കാട്ട്പാടി പോലിസ് അന്വേഷണം തുടങ്ങുകയും മൊബൈല്‍ ഫോണിന്റെ ലൊക്കേഷന്‍ കാട്ട്പാടിയിലാണെന്ന് കണ്ടെത്തുകയും ചെയ്തു. വണ്ടി കാട്ട്പാടി സ്റ്റേഷനില്‍ എത്തിയപ്പോള്‍ നടത്തിയ തിരച്ചിലില്‍ ശബരീശനെ അറസ്റ്റ് ചെയ്യുകയായിരുന്നു.