പട്രോളിംഗ് ഡ്യൂട്ടിക്കെത്തിയ വനിതാ എസ്.ഐയെ യുവാവ് കടന്നുപിടിച്ചു; പ്രതിയെ മോചിപ്പിക്കാന് പോലിസ് സ്റ്റേഷന് ഉപരോധിച്ച് സി.പി.എം
പ്രതിയെ സ്റ്റേഷനില് എത്തിച്ചതോടെ സംഘമായെത്തിയ സിപിഎം പ്രവര്ത്തകര് സ്റ്റേഷന് വളഞ്ഞു.
ഇന്നലെ രാത്രി എട്ടരയോടെയാണ് അക്രമ സംഭവങ്ങള് തുടങ്ങിയത്. മൈലം വെള്ളാരംകുന്നില് ബി.ജെ.പി നേതാവായിരുന്ന മഠത്തില് ശശിയുടെ മരണവുമായി ബന്ധപ്പെട്ട് പ്രദേശത്ത് സംഘര്ഷം നിലനിന്നിരുന്നു. നാലു പേര്ക്ക് വെട്ടേറ്റിരുന്നു. തുടര്ന്ന് പ്രദേശത്ത് പൊലീസ് പട്രോളിംഗ് ശക്തമാക്കി. രാത്രി പട്രോളിംഗിനായി കൊട്ടാരക്കര സ്റ്റേഷനിലെ വനിതാ എസ്.ഐയും സംഘവും എത്തി. ജീപ്പില് പള്ളിക്കലെത്തിയപ്പോള് ബൈക്കുമായി ഒരു സംഘം ചെറുപ്പക്കാര് റോഡരികിലെ കടയ്ക്ക് സമീപത്ത് നില്ക്കുന്നത് പൊലീസിന്റെ ശ്രദ്ധയില്പ്പെട്ടു. ഇവരോട് പിരിഞ്ഞുപോകാന് എസ്.ഐ ആവശ്യപ്പെട്ടു. ഇതോടെ ലുക്മാന് ഹക്കീം ഒഴികെയുള്ള മറ്റു മൂന്നുപേര് പിരിഞ്ഞുപോയി. എന്നാല് ഇയാള് എസ്.ഐയോട് അപമര്യാദയായി പെരുമാറി. ഇതോടെ പൊലീസുകാര് ലുക്മാനെ കസ്റ്റഡിയിലെടുക്കാന് ശ്രമിച്ചു. തുടര്ന്നുള്ള ബഹളത്തിനിടെ ലുക്മാന് വനിതാ എസ്.ഐയുടെ കൈയില് കയറിപ്പിടിച്ച് അക്രമിക്കാന് ശ്രമിച്ചു എന്നാണ് പോലീസ് പറയുന്നത്. എസ്. ഐ കുതറിമാറി. തുടര്ന്ന് മറ്റു പൊലീസുകാര് ലുക്മാനെ ജീപ്പില് കയറ്റി സ്റ്റേഷനിലേക്ക് കൊണ്ടുപോയി.
എന്നാല് ചിലര് പൊലീസ് ജീപ്പ് തടഞ്ഞ് പ്രതിയെ മോചിപ്പിക്കാന് ശ്രമിച്ചു. പ്രതിയെ സ്റ്റേഷനില് എത്തിച്ചതോടെ സംഘമായെത്തിയ സിപിഎം പ്രവര്ത്തകര് സ്റ്റേഷന് വളഞ്ഞു. തുടര്ന്ന് പൊലീസും പ്രവര്ത്തകരും തമ്മില് സംഘര്ഷവുമുണ്ടായി. പോലീസ് ശക്തമായി ഇടപെട്ടതോടെയാണ് സിപിഎം പ്രവര്ത്തകര് പിരിഞ്ഞുപോയത്. പരിക്കേറ്റ വനിതാ എസ്.ഐ താലൂക്ക് ആശുപത്രിയില് ചികിത്സ തേടി. വനിതാ എസ്.ഐയോട് അപമര്യാദയായി പെരുമാറിയതിനും സര്ക്കാര് ഉദ്യോഗസ്ഥയുടെ ജോലി തടസപ്പെടുത്തിയതിനും പൊലീസ് കേസെടുത്തിട്ടുണ്ട്.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT