അടിയന്തര പ്രാധാന്യത്തോടെ പരിഗണിക്കണം: വിദ്വേഷപ്രചരണത്തിനെതിരേ നടപടി ആവശ്യപ്പെട്ട് മുഖ്യമന്ത്രിക്ക് കത്ത് നല്കി വിഡി സതീശന്
സാമൂഹിക മാധ്യമങ്ങളിലൂടെ സാമുദായിക സ്പര്ധ വളര്ത്തുന്നവരെ കണ്ടെത്തി,കര്ശന ശിക്ഷ ഉറപ്പാക്കാന് സൈബര് പോലിസിന് നിര്ദേശം നല്കണം.
തിരുവനന്തപുരം: മതസൗഹാര്ദ്ദം തകര്ക്കാന് സമൂഹമാധ്യമങ്ങളില് നടക്കുന്ന ആസൂത്രിത നീക്കങ്ങള്ക്കെതിരെ നടപടി ആവശ്യപ്പെട്ട് പ്രതിപക്ഷ നേതാവ് മുഖ്യമന്ത്രിക്ക് കത്ത് നല്കി. സാമൂഹിക മാധ്യമങ്ങളിലൂടെ സാമുദായിക സ്പര്ധ വളര്ത്തുന്നവരെ കണ്ടെത്തി,കര്ശന ശിക്ഷ ഉറപ്പാക്കാന് സൈബര് പോലിസിന് നിര്ദേശം നല്കണം. കൂടാതെ സാമുദായ സംഘടനകളോ, സാമുദായിക നേതാക്കളോ ഏതെങ്കിലും പ്രത്യേക സംഭവങ്ങള് മുന്നിര്ത്തി പരാതി ഉന്നയിക്കുകയോ ആശങ്ക പ്രകടിപ്പിക്കുകയോ ചെയ്തിട്ടുണ്ടെങ്കില് അതും അന്വേഷണ പരിധിയില് വരണമെന്നും പ്രതിപക്ഷ നേതാവ് കത്തില് ആവശ്യപ്പെട്ടു.
കത്തിന്റെ പൂര്ണ രൂപം
അടിയന്തര പ്രാധാന്യത്തോടെ പരിഗണിക്കണം എന്ന അഭ്യര്ഥനയോടെ ഒരു വിഷയം അങ്ങയുടെ ശ്രദ്ധയില് കൊണ്ടുവരികയാണ്. കേരളത്തിന്റെ മതസൗഹാര്ദവും സാമൂഹിക ഇഴയടുപ്പവും തകര്ക്കുന്ന പല നീക്കങ്ങളും ഒളിഞ്ഞും തെളിഞ്ഞും ഉണ്ടാകുന്നത് അതീവ ആശങ്ക സൃഷ്ടിക്കുന്നതാണ്. വലിയ രീതിയില് ചേരിതിരിവ് ,സ്പര്ധ,അവിശ്വാസം ഇവ വിവിധ മതവിശ്വാസികള്ക്കിടയില് സൃഷ്ടിക്കാനുള്ള ബോധപൂര്വമുള്ള ശ്രമമാണ് നടക്കുന്നത്. സാമൂഹിക മാധ്യമ പ്ലാറ്റ്ഫോമുകളാണ് ഇതിനായി ഉപയോഗിക്കുന്നത്. വാട്ട്സ്ആപ്പ്,ടെലിഗ്രാം തുടങ്ങിയ മെസേജിങ് ആപ്പുകള് തുടങ്ങി ഫേസ് ബുക്കും യു ട്യൂബുമെല്ലാം തെറ്റായ ആശയ പ്രചരണത്തിനായി ചിലര് ദുരുപയോഗം ചെയ്യുകയാണ്.
വര്ഗീയ വിഷം ചീറ്റുന്ന ഇവരില് പലരും ഫേക്ക് ഐ.ഡികളിലൂടെ ആസൂത്രിതമായി കേരളത്തിന്റെ മത മൈത്രി തകര്ക്കാന് കച്ചകെട്ടി ഇറങ്ങിയവരാണെന്ന് സംശയിക്കേണ്ടിയിരിക്കുന്നു. പോലിസ് ഇക്കാര്യം ഗൗരവത്തോടെ അന്വേഷിക്കണം. സാമൂഹിക മാധ്യമങ്ങളിലൂടെ സാമുദായിക സ്പര്ധ വളര്ത്തുന്നവരെ കണ്ടെത്തി,കര്ശന ശിക്ഷ ഉറപ്പാക്കാന് സൈബര് പോലിസിന് നിര്ദേശം നല്കണം.
കൂടാതെ സാമുദായ സംഘടനകളോ, സാമുദായിക നേതാക്കളോ ഏതെങ്കിലും പ്രത്യേക സംഭവങ്ങള് മുന്നിര്ത്തി പരാതി ഉന്നയിക്കുകയോ ആശങ്ക പ്രകടിപ്പിക്കുകയോ ചെയ്തിട്ടുണ്ടെങ്കില് അതും അന്വേഷണ പരിധിയില് വരണം. കേരളത്തിന്റെ സമാധാന അന്തരീക്ഷവും മതമൈത്രിയും സാമൂഹിക ഇഴയടുപ്പവും സംരക്ഷിക്കാനുള്ള എല്ലാ നല്ല ശ്രമങ്ങള്ക്കും പിന്തുണയും അറിയിക്കുന്നു.
RELATED STORIES
കണ്ണൂരിൽ ബോംബ് സ്ഫോടനത്തിൽ പരിക്കേറ്റ സിപിഎം പ്രവര്ത്തകൻ മരിച്ചു;...
5 April 2024 8:53 AM GMTറിയാസ് മൗലവി കൊലക്കേസ്: ആര്എസ്എസ്സുകാരായ മൂന്ന് പ്രതികളെയും കോടതി...
30 March 2024 6:06 AM GMTഒമ്പത് പോപുലര് ഫ്രണ്ട് മുന് പ്രവര്ത്തകര്ക്ക് ജാമ്യം; എന്ഐഎയ്ക്ക്...
21 March 2024 6:30 AM GMTഭരണഘടനയെ അട്ടിമറിക്കുന്ന മോദി സര്ക്കാരിനെ താഴെയിറക്കുക: പി അബ്ദുല്...
20 March 2024 6:27 PM GMTതമിഴ്നാട്ടില് എസ് ഡിപി ഐ-എഐഎഡിഎംകെ സഖ്യം; ദിണ്ടിഗല് മണ്ഡലത്തില്...
20 March 2024 5:51 PM GMTദേശീയ പ്രസിഡന്റ് എം കെ ഫൈസിയുടെ വസതിയില് നടന്ന ഇഡി റെയ്ഡ് പ്രതികാര...
28 Feb 2024 1:36 PM GMT