പശ്ചിമേഷ്യന്‍ സംഘര്‍ഷം; ഇന്ത്യക്കാരുടെ സുരക്ഷയ്ക്ക് മുന്‍ഗണനയെന്ന് മോദി

ന്യൂഡല്‍ഹി: പശ്ചിമേഷ്യയിലെ സംഘര്‍ഷ സാഹചര്യത്തില്‍ പ്രതികരണവുമായി പ്രധാനമന്ത്രി മോദി. ലോക്സഭയില്‍ 25 മിനിറ്റ് നീണ്ടുനിന്ന പ്രസംഗത്തില്‍, സംഘര്‍ഷങ്ങള്‍ അവസാനിപ്പിക്കണമെന്നും പ്രശ്നത്തിനുള്ള ഏക പരിഹാരം സംഭാഷണമാണെന്നും മോദി പറഞ്ഞു.

സാധാരണക്കാര്‍ക്കും വൈദ്യുതി നിലയങ്ങള്‍ക്കും നേരെയുള്ള ആക്രമണങ്ങള്‍ അംഗീകരിക്കാനാവില്ലെന്ന് മോദി പറഞ്ഞു. ഹോര്‍മുസിലേക്കുള്ള വഴി തടയുന്നത് അംഗീകരിക്കാനാവില്ല.

'രാജ്യത്ത് എണ്ണ, വാതക പ്രതിസന്ധി ഒഴിവാക്കാന്‍ സര്‍ക്കാര്‍ ശ്രമിക്കുകയാണ്. ഇതിനായി, 27 രാജ്യങ്ങളില്‍ നിന്ന് പകരം 41 രാജ്യങ്ങളില്‍ നിന്നാണ് ഇപ്പോള്‍ ഇറക്കുമതി ചെയ്യുന്നത്. പശ്ചിമേഷ്യയില്‍ പത്ത് ദശലക്ഷം ഇന്ത്യക്കാര്‍ താമസിക്കുന്നു. അവരുടെ സുരക്ഷയാണ് ഞങ്ങളുടെ മുന്‍ഗണന' മോദി പറഞ്ഞു.

നിരവധി ഇന്ത്യക്കാര്‍ സുരക്ഷിതമായി രാജ്യത്തേക്ക് തിരിച്ചെത്തിയതായി അദ്ദേഹം പറഞ്ഞു. ഇറാനില്‍ നിന്ന് മാത്രം ആയിരക്കണക്കിന് പേര്‍ സുരക്ഷിതമായി തിരിച്ചെത്തി. അവരില്‍ 700-ലധികം പേര്‍ മെഡിക്കല്‍ പഠനം നടത്തുന്ന യുവാക്കളാണ്.