വോട്ടിങ് മെഷീനില്‍ ഇനി സ്ഥാനാര്‍ഥിയുടെ കളര്‍ ഫോട്ടോയും

ന്യൂഡല്‍ഹി: വോട്ടിങ് മെഷീനില്‍ സ്ഥാനാര്‍ഥിയുടെ ഫോട്ടോയും ഉള്‍പ്പെടുത്താന്‍ തിരഞ്ഞെടുപ്പ് കമ്മീഷന്‍. ഇതിനായി ബാലറ്റ് പേപ്പറില്‍ സ്ഥാനാര്‍ത്ഥികളുടെ കളര്‍ ചിത്രങ്ങള്‍ ഉള്‍പ്പെടുത്തും. ബിഹാര്‍ തിരഞ്ഞെടുപ്പ് മുതല്‍ പരിഷ്‌കരണം നടപ്പിലാക്കുമെന്നാണ് തിരഞ്ഞെടുപ്പ് കമ്മീഷന്‍ വ്യക്തമാക്കുന്നത്.

വോട്ടര്‍മാര്‍ക്ക് കൂടുതല്‍ കൃത്യതയോടെ സ്ഥാനാര്‍ഥിയെ മനസിലാക്കാന്‍ സഹായിക്കുമെന്ന് കാണിച്ചാണ് വോട്ടിങ് മെഷീനില്‍ ഫോട്ടോ ഉള്‍പ്പെടുത്താനുള്ള തീരുമാനം. ഇനി നടക്കുന്ന എല്ലാ തിരഞ്ഞെടുപ്പിലും ഇത് പ്രാവര്‍ത്തികമാക്കുമെന്ന് തിരഞ്ഞെടുപ്പ് കമ്മീഷന്‍ പറഞ്ഞു.