അവശ്യ സര്വീസ് വോട്ടര്മാര്ക്ക് വോട്ടിങ് 28, 29,30 തീയതികളില്
ആലപ്പുഴ: തിരഞ്ഞെടുപ്പ് കമ്മീഷന് നിര്ദേശിച്ചിട്ടുള്ള അസന്നിഹിതരായ അവശ്യ സര്വീസ് വോട്ടര്മാര്ക്കുള്ള വോട്ടെടുപ്പ് മാര്ച്ച് 28, 29,30 തീയ്യതികളില് നടക്കും.
ചേര്ത്തല നിയമസഭാ മണ്ഡലത്തിലുള്ള എ.വി.ഇ.എസ് വോട്ടര്മാര്ക്ക് ചേര്ത്തല മുട്ടം ഹോളി ഫാമിലി ഹയര് സെക്കന്ഡറി സ്കൂളിലും കായംകുളം മണ്ഡലത്തിലുള്ളവര്ക്ക് കായംകുളം എം.എസ്.എം കോളജിലും കുട്ടനാട് നിയമസഭ മണ്ഡലത്തിലുള്ളവര്ക്ക് മങ്കൊമ്പില് ചമ്പക്കുളം ഗ്രാമപഞ്ചായത്ത് കോണ്ഫറന്സ് ഹാളിലും ഹരിപ്പാട് നിയമസഭ മണ്ഡലത്തിലുള്ളവര്ക്ക് ഹരിപ്പാട് ബ്ലോക്ക് ഡവലപ്മെന്റ് ഓഫിസിലും മാവേലിക്കര നിയമസഭമണ്ഡലത്തിലുള്ളവര്ക്ക് ബിഷപ്പ് ഹോഡ്ജസ് ഹയര് സെക്കന്ഡറി സ്കൂളിലും അരൂര് നിയോജകമണ്ഡലത്തിലുള്ളവര്ക്ക് തുറവൂര് ഗ്രാമപഞ്ചായത്തിലെ പുത്തന്ചന്ത എല്.പി.സ്കൂളിലും ആലപ്പുഴ നിയോജകമണ്ഡലത്തിലുള്ളവര്ക്ക് ആലപ്പുഴ സബ് കളക്ടറുടെ കാര്യാലയത്തിലും അമ്പലപ്പുഴ നിയോജക മണ്ഡലത്തിലുള്ളവര്ക്ക് കളര്കോടുള്ള അമ്പലപ്പുഴ ബ്ലോക്ക് ഡെവലപ്മെന്റ് ഓഫിസിലും ചെങ്ങന്നൂര് മണ്ഡലത്തിലുള്ളവര്ക്ക് പുലിയൂര് ബ്ലോക്ക് ഡെവലപ്മെന്റ് ഓഫീസ് ചെങ്ങന്നൂരിലുമാണ് പോസ്റ്റല് വോട്ടിങ് സെന്റര് ഒരുക്കിയിട്ടുള്ളത്.
വോട്ടര് പട്ടികയില് പേര് ഉള്പ്പെട്ടിട്ടുള്ളതും 12ഡി പ്രകാരം പോസ്റ്റല് ബാലറ്റിനായി അപേക്ഷ സമര്പ്പിച്ചട്ടുള്ളതുമായ അവശ്യ സര്വ്വീസ് അസന്നിഹിത വോട്ടര്മാരായിട്ടുള്ളവര്ക്കാണ് ഇത്തരത്തില് സമ്മതിദാന അവകാശം വിനിയോഗിക്കാനുള്ള അവസരം ഒരുക്കിയിട്ടുള്ളത്.
രാവിലെ 9 മണി മുതല് വൈകീട്ട് 5 മണി വരെ തയ്യാറാക്കിയിട്ടുള്ള പോസ്റ്റല് വോട്ടിങ് സെന്ററില് നേരിട്ട് എത്തി വോട്ട് ചെയ്യാം. ഈ മൂന്നു ദിവസങ്ങളില് ഏതെങ്കിലും ദിവസം അംഗീകൃത തിരിച്ചറിയല് രേഖ സഹിതമാണ് പോസ്റ്റല് വോട്ടിങ് സെന്ററിലെത്തേണ്ടത്.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT