വാളയാര് ആര്ടിഒ ചെക്ക് പോസ്റ്റില് വിജിലന്സ് മിന്നല് റെയ്ഡ്; 67000 രൂപ പിടിച്ചെടുത്തു
ഏജന്റുമാരെ വെച്ച് കൈക്കൂലി വാങ്ങുന്നുവെന്ന വിവരത്തിന്റെ അടിസ്ഥാനത്തിലാണ് വിജിലന്സ് റെയ്ഡ്.വിജിലന്സ് സംഘത്തെ കണ്ട് ഉദ്യോഗസ്ഥര് ഭയന്ന് ഓടി
വാളയാര്: ആര്ടിഒ ചെക്ക് പോസ്റ്റില് വിജിലന്സിന്റെ മിന്നല് പരിശോധന.67000 രൂപ കൈകൂലി പണം പരിശോധനയില് പിടിച്ചെടുത്തു. വിജിലന്സ് സംഘത്തെ കണ്ട് ഉദ്യോഗസ്ഥര് ഭയന്ന് ഓടി. പണം കൂടാതെ പച്ചക്കറിയും കൈക്കൂലിയായി വാങ്ങിയതായി വിജിലന്സ് അറിയിച്ചു.
സംഭവവുമായി ബന്ധപ്പെട്ട് അഞ്ച് ഉദ്യോഗസ്ഥര്ക്കെതിരേ നടപടിക്ക് ശുപാര്ശ ചെയ്തിട്ടുണ്ട്. മോട്ടോര് വെഹിക്കിള് ഇന്സ്പെക്ടര് ബിനോയ്, അസിസ്റ്റന്റ് മോട്ടോര് വെഹിക്കിള് ഇന്സ്പെക്ടര്മാരായ ജോര്ജ്, പ്രവീണ്, അനീഷ്, കൃഷ്ണ കുമാര് എന്നിവര്ക്കെതിരെയാണ് നടപടിക്ക് ശുപാര്ശ ചെയ്തിരിക്കുന്നത്.
ഇന്ന് പുലര്ച്ചെ രണ്ട് മണിയോടെയാണ് വിജിലന്സ് സംഘം വേഷം മാറി പരിശോധനയ്ക്കെത്തിയത്. ഇന്നലെ രാത്രി എട്ട് മണിയോടെയാണ് ആര്ടിഒ ചെക്ക് പോസ്റ്റില് അഞ്ച് ഉദ്യോഗസ്ഥര് ഡ്യൂട്ടി മാറി കയറിയത്. എട്ട് മണി മുതല് പുലര്ച്ചെ രണ്ട് മണി വരെയുള്ള സമയത്തിനുള്ളിലാണ് ഇത്രയും പണം കൈക്കൂലിയായി ഉദ്യോഗസ്ഥര് വാങ്ങിയതെന്ന് വിജിലന്സ് സംഘം വ്യക്തമാക്കി. ഇന്നലെ രാവിലെ പത്ത് മണി മുതല് രാത്രി 12 മണി വരെ സര്ക്കാരിന് റവന്യൂ വരുമാനമായി ലഭിച്ചത് 69,350 രൂപ മാത്രമാണ്.
വിജിലന്സ് സംഘം മിന്നല് പരിശോധനയ്ക്ക് എത്തിയതിന് പിന്നാലെ മോട്ടോര് വെഹിക്കിള് ഇന്സ്പെക്ടര് ബിനോയ് ഇവിടെ നിന്ന് ഓടി രക്ഷപ്പെടാന് ശ്രമം നടത്തിയിരുന്നു. മറ്റൊരു ഉദ്യോഗസ്ഥന് അടുത്തുള്ള ആശുപത്രിയിലും അഭയം തേടി. ഇവരെ വിജിലന്സ് പിന്തുടര്ന്ന് പിടികൂടി.
ഏജന്റുമാരെ വെച്ച് കൈക്കൂലി വാങ്ങുന്നുവെന്ന വിവരത്തിന്റെ അടിസ്ഥാനത്തിലാണ് വിജിലന്സ് റെയ്ഡ്. വിജിലന്സ് അനാവശ്യമായി പരിശോധന നടത്തുന്നുവെന്ന് നേരത്തേ പരാതിയുണ്ടായിരുന്നു. വിജിലന്സ് സംഘമെത്തുന്നത് അറിയാന് സിസിടിവി സ്ഥാപിച്ചത് വിവാദമായിരുന്നു.
RELATED STORIES
ശബരിമല ഗ്രീന്ഫീല്ഡ് വിമാനത്താവളം: ഭൂമി ഏറ്റെടുക്കാനുള്ള സര്ക്കാര്...
25 April 2024 9:08 AM GMTപ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTദ്വിരാഷ്ട്ര പരിഹാരം നടപ്പാക്കിയാല് ആയുധം താഴെവയ്ക്കാമെന്ന് ഹമാസ്
25 April 2024 6:52 AM GMT70 ബന്ദികളെ ഇസ്രായേല് കൊലപ്പെടുത്തിയെന്ന് അമേരിക്കന്-ഇസ്രായേലി...
25 April 2024 6:33 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTവെറ്റിലയും ചുണ്ണാമ്പും നല്കിയാല് ആദിവാസികള് വോട്ട് ചെയ്യുമെന്ന...
25 April 2024 6:12 AM GMT